Held ope stiftingsmøte for MB «Snøgg»

I fjor overtok Os Sogelag eigarskapen til MB «Snøgg», ei 29 fot lang skøyte bygd ved Henrik J. Askvik og Sønner i 1926.

Same år fekk båten status som verna.

– Etter det vi kjenner til er Snøgg det einaste maritime krigsminnet Os har igjen, seier Oddbjørn Klyve frå Os Sogelag.

«Snøgg» var sentral i operasjonen som berga dei seks kanadiske flygarane som naudlanda på Haugland i Os hausten 1944.

Les ògBåtpuss for krigshistoria

Allereie i fjor var det meininga at Os Sogelag skulle ta initiativ til å danna ein organisasjon som kunne overta eigarskapen og vedlikehaldsansvaret.

– Det er vanleg å danna ei stifting til slike formål. Vi har undersøkt med fleire stiftingar som tar vare på verna båtar, og er no i ferd med å danna «Vernelaget MB Snøgg».

Interimstyret har hatt møte i Oselvarnaustet.

Torsdag kveld er det stiftingmøte på biblioteket.

Vernelaget MB Snøgg skal:

• Eiga det verna fartøyet MB Snøgg (vert overdrege vederlagsfritt frå Os Sogelag, som i dag eig båten.)
• Rehabilitera, drifta og vedlikehalda MB Snøgg etter antikvariske retningsliner frå Riksantikvaren.
• Gjera redningsaksjonen av det Kanadiske flymannskapet i 1944 kjent.