Ein trøytt sjåfør sit gjerne uroleg eller byrjar å gni seg i ansiktet (ill.foto: Picturepoint)

1 av 10 har sovna bak rattet

Bilferie kan gi flotte opplevingar, men også mange timar bak rattet. Ny undersøking viser skremmande resultat.

Av: Andris Hamre

57 prosent av dei som køyrer bil i Hordaland seier dei har vore redd for å sovne når dei har køyrd bil. 10 prosent seier dei faktisk har sovna bak rattet viser ei ny undersøking Ipos har gjort på vegne av Gjensidige.

– Det vil seie at fleire tusen hordalendingar faktisk har sovna når dei køyrde bil. At så mange har opplevd dette er verkeleg skremmande, seier bilekspert Jan Fleinsjø i Gjensidige.

Livsfarleg

Selskapet mottek kvart år fleire titals skademeldingar kor bilførar oppgir å ha vore trøytt som grunn til at bilen blei skadd. I slike tilfeller blir erstatninga ofte redusert, gjerne rundt 20 prosent.

– Men det viktigaste å tenkje på er at du set eige og andre sine liv i fare om du køyrer når du er trøtt, seier Fleinsjø.

Statens Vegvesen anslår at kvar åttande dødsulykke heilt eller delvis skuldast at sjåføren var for trøytt.

Bytt sjåfør

Fleinsjø peiker på at mange er spesielt utsatt for å bli trøytt i sommarferien, når det blir lange køyreturar til og frå feriemålet. Ein sjåfør som sit uroleg eller stadig vekk gnir seg i ansiktet er eit sikkert teikn på at vedkommande byrjar bli trøytt og sliten.

– Det er viktig å hugse at det einaste som hjelper er å ta ein blund eller byte sjåfør. Kaffe og cola er falsk tyggleik, seier Fleinsjø.

Over dobbelt så mange menn som kvinner seier at dei har sovna bak rattet.

– Det tyder på at mange burde vore flinkare til å bytta på sjåførjobben når familien er på langtur, avsluttar bileksperten.

Fleire saker

bilde-midtsiden

Erling H. Lunde heidra på Ulven

22. juli 2017

XU-agent Erling H. Lunde blei fredag heidra for sin innsats for under 2. verdskrig. Les den dramatiske historia då Gestapo arresterte han her.

bilde-midtsiden

Sommaraction i Mobergsvikjo

22. juli 2017

– Eg er glad vi tok med badebukse, sjølv om vi skulle til Vestlandet, seier brørne Sondre og Vegard.

bilde-midtsiden

Seier nei til flytting

21. juli 2017

Hamnesjefen • Miljødirektoratet har avslått søknaden om å flytta knoppsvanene frå Oselvo til Tysnes.

bilde-midtsiden

Fann tjuvgods etter innbrot i garasje

21. juli 2017

Politiet: • Rusa mann i bar overkropp balanserte langs E39 • Fann motorsag etter innbrot • Ber om tips om svart bil med spoiler.

bilde-midtsiden

– Heile rommet blei ommøblert

21. juli 2017

Osingane Anders Grov og Madelen Bergesen Olsen var på Kos då ferieparadiset blei råka av kraftig jordskjelv.