Leiar for kokkelager Gunnar Nagell Dahl saman med kokk og entertainer Torstein Hatlevik. (Foto: Kjetil Vasby Bruarøy)

21 rettar til 220 personar

Bjørnafjordmåltidet: Nøgde gjestar fekk tre gongar så mykje som bestilt - og koste seg med kortreist mat i seks timar!

image
image
image
image
image
image
image
image
image
image
image
image
image
image
image
image
image
image
image
image
image
image
image
Av: Kjetil Vasby Bruarøy

Nyoppretta Bjørnafjorden Matkultur leverte - 13 kokkar og 10 elevar frå Fusa vgs lagde og serverte til saman 4.620 porsjonar på 6 timar.

Det Store Bjørnafjordenmåltidet var utseld fleire veker på førehand, dei 220 gjestane hadde blitt lovd 5-7 rettar.

– Av og til gjeld det å gi litt meir enn venta, seier Gunnar Nagell Dahl.

Det er ingen løyndom at gjestane fekk langt meir enn dei betalte for. Årsaka er at heile måltidet var ein einaste stor dugnad, 21 rettar vil normalt kosta langt meir enn dei 690 kronene gjestane betalte.

• Les òg: Kokkemaraton før bjørnafjordenmåltid

Nagell Dahl er matattaché for Fylkesmannen, med det å fremja bruk av lokale råvarer som oppgåvene sine. Han fekk ein draumekveld med å leia 10 kokkar og to av lærarane ved Fusa vgs.

Sjå liste over kokkane - og heile menyen - nedst i artikkelen.

– Eg hadde jo gløymd at det var haustferie då eg takka ja til dette, men alle elevane utanom ei som hadde bestilt ei reise har møtt fram med eit smil, tatt oppgåva seriøst og fått ein lærerik kveld, seier Camilla Nesheim.

– Dei fleste av elevane vil bli kokk. Dette er ei oppleving dei kjem til å hugsa, kven andre får vera med på å servera 21 rettar? Det har i alle fall ikkje eg gjort før. Men dei skal få ei avspasering, for dette har vore ei lang arbeidshelg.

Med råvarer frå regionen

Gjestane kom klokka 18 og fekk servert mat nesten heilt fram til midnatt. Ingen av dei visste kor mange rettar dei skulle få.

Midtsiden var i Oseana frå før klokka 22 til litt over 23, rundt rett 16 og 17. På veg inn i lokalet sto det tett med nøgde gjestar.

– Dette er ei oppleving, både smakane, det å læra om kortreist mat og å få høyra om leverandørane - og desse historiane til Hatlevik som toppar det heile, seier matentusiast og lokalpolitiker Thorstein Skårnes.

Torstein Hatlevik frå Haaheim Gard var like mykje der for å underhalda som å kokkelera. Han fekk ikkje stå i fred mellom måltida, men hausta tett med skulderklapp og smellkyss av folk på veg ut for å trekkja frisk og ufrisk luft.

– Denne samhandlinga, kokkane i mellom og kokkane med leverandørar og bønder, er utruleg kjekt. Vi driv sjølv på liknande måte med dei vi kjøper av, før jul går vi i dialog med bøndene for å planlegga kva vi vil ha til Haaheim til våren, seier Hatlevik.

Rundt 70 prosent av råvarene var frå bjørnafjordsregionen.

– Alt har gått på skjener, men både vi og leverandørane har lærd litt i denne prosessen. Neste gong vil nok kortreist-prosenten gå endå litt opp.

– Herleg samhandling rundt fjorden

Blant gjestane var òg Børrea Schau-Larsen frå Solstrand Hotel & Bad.

– Eg gler meg over denne samhandlinga kokkane i mellom, frå små og store kjøkken - saman med elevar frå Fusa. Det er ei stor oppleving å sjå denne usjølviske og entusiastiske innsatsen. Timinga, med den pågåande kommunesamanslåinga, er dessutan super!

Initiativtakar til Bjørnafjorden Matkultur, næringssjef Daniel Skotheim i Os kommune, sto nøgd og såg at Hetlevik og Nagell Dahl sette fyr på nokre lam på tampen av kvelden.

– Eg sette Daniel i kontakt med Gunnar og det er ei glede å sjå at dette leia til fleire konkrete ting, som dette måltidet her! seier olje- og energiminister Terje Søviknes.

– Kvelden har landa på beina, folk er strålande nøgde, og med god planlegging og litt flaks kan vi kanskje løfta matkulturen rundt fjorden nok til at det blir ein attraksjon for både bergensarane og dei som besøker Vestlandet.

Kokkane

GunnarNagell Dahl
Torstein Hatlevik (Haaheim Gaard)
Silja Døsen Moberg (Osøyro Kolonial)
Frank Vasby Bruarøy (Havnechefen)
Tina Bøe Buer (Bøkampen Utegangerlam)
Siw Bugge Gjerdevik Kolstad (Mat frå Hjertet)
Robert STorum (Skjebreid Poiree)
Bartel Lauchstaedt (Oseana Kafé og Restaurant)
Iselin Marie Borge (Bjørnefjorden Gjestetun)
Kenneth Evensen (Solstrand)
Eirik Grimstad (Solstrand)
Camilla Nesheim (Fusa vgs)
Ottar Bang (Fusa vgs)

Menyen

Velkomst
Braka Gin
-----------------------------------
Oksetunge posjert i kraft med pors
Med grønnkål- og myntemajones, sprø grønnkåldryss
-----------------------------------
Råmarinert laks, røykelaksmousse
Agurkurt, syltet fennikel
-----------------------------------
Akevitt grava hjort
Syltet traktkantarell, mandelpotet og tyttebærkremost
-----------------------------------
Krabbe
Rødkål, gressløk, persille, dill, sitron, pepper, ferskost
-----------------------------------
Hummersuppe
Sjøkreps, med skalldyrskum
-----------------------------------
Røykt Kveite
Blomkål, lilla blomkål, romanesco, plommer og urter
-----------------------------------
Hjorteterrin
Med  bringebærgele og gul traktkantarell
-----------------------------------
Oksehalesuppe
Rotgrønnsaker og løpstikke spagetti
-----------------------------------
Okse carpaccio
Med Bjørnafjordsalt
-----------------------------------
Brosme
Lokalmelk havtrøffel, kremasaus på seng med gulrot, eple og celleri. Tarestrø
-----------------------------------
Seibiff
(Pala) smør potetkrem, småløk, gulrot
-----------------------------------
Vestlandsk fjordfe
Hollandaise med Ramsløk, mandelpotet selleri og pastinakk puré
-----------------------------------
Jordskokk
x 3 varianter
-----------------------------------
Helstekt fasert lam
Lammesky, beter og grønnkål
-----------------------------------
Lokale oster
Honningkløver og geitost frå Myrdal
Min gode nabo, Sverre og Nils frå Osteriet. Tilbehør: Kålrot og ølsirup
-----------------------------------
Youghurt av geit
Fra Tveitakjerringa. Tilbehør: løvetannsirup, bjørnebær
-----------------------------------
Sorbet
Stikkelsbær, eple, Edel
-----------------------------------
Raw bringebærmousse
Karamelisert rødbet
-----------------------------------
Butareis
Jorbærgele, basilikumspire
-----------------------------------
Kaffe
med lefse med karamell og dravle
-----------------------------------

Fleire saker

bilde-midtsiden

– Vi ser bra ut

20. oktober 2017

Ruben Hetlevik ventar ein jamn kamp med høgt tempo mot Brann 2.

bilde-midtsiden

Kritiserte sakshandsaminga

20. oktober 2017

Terje Sperrevik (TvS) var kritisk til korleis administrasjonen har handtert Fjellheim-saka.

bilde-midtsiden

Gapahuken er ferdig møblert

20. oktober 2017

Søndag om ei veke er det offisiell opning av det store, arkitektteikna taket ved Knutabruo.

bilde-midtsiden

Krev omkamp på Hjelle

20. oktober 2017

Oposisjonen krev utgreiing av skuletomt mellom Lyssandfabrikken og Hesthaugen.

bilde-midtsiden

Å passera tøffe hinder

20. oktober 2017

Lanserte CRUX på Vindfanget: Det er ei meining bak det nye namnet til Kirkens Sosialtjeneste.