25 kontrollert

Laurdag kontrollerte politiet ei rekkje bilar og sjåførar.

– Vi hadde fleire kontrollar i trafikken i løpet av laurdagen. Totalt blei 25 bilar kontrollert. Det var gledeleg å sjå at alt var i orden hos alle, fortel vakthavande betjent ved Os lensmannskontor.

Resten av laurdagen har òg gått stille og roleg for seg.

– Det har det. Det har vore ei stille og roleg natt. At klokka skulle stillast og at skjenkinga då blei ein time kortare har publikum tatt fint så langt vi kan sjå ut frå loggen.