50 framleis utan straum

Straumbrot fleire stadar i Hordaland har gjort det travelt for BKK det siste døgnet.

Les òg: 1700 var utan straum og Sendte elevane heim.

– No er det rundt 700 husstandar som framleis er utan straum, cirka 50 av desse er i Os kommune, fortel kommunikasjonsrådgjevar i BKK Nett, Anne Mette Tuvin.

Det er kombinasjonen tung og våt snø som har falt på linjene og velta tre som er hovudårsakene til alle straumbrota.

Set opp aggregat

I Os fortel Tuvin at det er kundar i Hegglandsdalen og Gåssand/Hatlelia som framleis er straumlause.

– Det var håp om å få det retta seint fredag kveld, men det fekk vi ikkje til.

– No skal vi prøve å etablere eit aggregat i Gaassand-området og vi håper at straumen skal vera tilbake i løpet av dagen.

Ver varsam

I tillegg til Os jobbar BKK med å retta straumbrot i Bergen, Samnanger, Osterøy og Gulen.

På BKK sine sider åtvarar dei mot å vera borti linjer som har falt på bakken då desse kan vera straumførande.

Kjem du over ei slik linje ber BKK deg kontakta dei på telefon 05 123.