Hassan El Fakiri og tomålsskårar Erik Kanestrøm, her i heimekampen mot Spjelkavik i april. (Foto: Kjetil Vasby Bruarøy)

60 skuffande minutt

Erik Kanestrøm sine to mål var ikkje nok då Os spelte borte mot Spjelkavik.

Av: Kjetil Vasby Bruarøy

Spjelkavik - Os 4-2 (1-0)
Målskårar, Os: Erik Kanestrøm (2-1 og 3-2)
Kampfakta på fotball.no

Torsdag spelte Os borte mot Spjelkavik i siste kamp før ferien. Os, som berre hadde eitt tap på dei siste seks kampane før gårsdagens oppgjer, låg to plassar over Spjelkavik før kampstart.

På Kuventræ leia Os 1-0 før dei utlikna til 2-2. Borte var det Spjelkavik som tok leiinga.

– Dette er nok det svakaste eg har sett av oss. Det er ikkje ofte eg seier det, men dei første 60 minutta var skuffande, seier Os-trenar Hassan El Fakiri.

– Det gjekk på alt frå vala vi gjorde til posisjonering, viss vi skal spela slik vi trener på må vi våga. I denne kampen var vi feige, i alle fall i 60 minutt. Spjelkavik kan koma høgt, men vi må halda fram med å tru på oss sjølv, å bruka heile banen, ikkje klumpa oss saman. Vi snakka om dette før kamp og i pausen, men det blei ikkje godt nok.

Vertane leia 2-0 før Kanestrøm reduserte på straffe. Kanestrøm sto òg for reduseringa til 3-2.

– Det kom seg heldigvis kraftig. 3-1 kom på dødball, 4-2 då vi i iver etter utlikning mista fokus og prøvde oss på nokre langpasningar i staden for å visa tolmod.

Tar imot Stord etter ferien

Etter ein lang busstur heim natt til fredag har spelarane no fri til 31. juli.

Då får dei éi veke med fellestrening før heimekamp mot Stord laurdag 5. august.

Med siger i går ville Os vore eitt poeng frå Fylllingsdalen på 4. plass. No ligg dei på 9. plass, plassen over nettopp Stord.

TABELL OG TERMINLISTE

 

 

Fleire saker

bilde-midtsiden

29 millionar til bruer

20. september 2017

Fylkesvegar • Fylkeskommunen vil setta av 29 millionar til bruer og 18 millionar til Åsen-Helleskaret.

bilde-midtsiden

Østervold matchvinnar igjen

19. september 2017

Lysekloster fekk det tøft mot Aalesund 2, før utvisinga, men nok ein gong sørgja Kristoffer Østervold for full pott.

bilde-midtsiden

Musikalsk Grytten-premiere

19. september 2017

– Det er ei gåve å ha Espen Leite på trekkspel, seier Albert og Anna-skodespelarane. I morgon har dei Noregspremiere i Os.

bilde-midtsiden

Slo Sædalen på heimebane

19. september 2017

– Vi varierer for mykje, seier Kvile, sjølv om Os 2 har tapt berre 1 av 6 kampar etter ferien.