Alle kan noko, og saman kan vi mykje!

Torsdag 10.april har handballgruppa i Nore Neset IL invitert til allmannamøte i Nore Neset Aktivitetshus. På agendaen står vidare eksistens for handballgruppa, etter at gruppa har vore utan fleire sentrale tillitsverv dei siste månadane.

Utfordringa med å skaffa personar til tillitsverv er ikkje ny, den har vore slik så lenge eg har vore ein del av organisasjonslivet i Os.

Ofte vert det ei “resirkulering” av personar som har eller har hatt tillitsverv tidlegare. Korleis kan ein nå ut til nye ressurspersonar?

I så måte skulle ein tru at eit allmannamøte var rett veg å gå. Invitera alle foreldre til eit møte for å drøfta kva kvar og ein kan bidra med for å gjera drifta enklare. Men kva gjer ein når berre 10% av foreldra finn det bryet verdt å stilla, og mange av dei som stiller allereie har tillitsverv?

Det kan ikkje vera slik at nokon få av oss skal ta på oss alle verv, vi trenger hjelp. Er vi mange nok som drar lasset saman, vert det få oppgåver på kvar og ein.

Alle kan NOKO, og saman kan vi MYKJE!

Ser fram mot å møta mange flotte foreldre (og kanskje nokre besteforeldre) i Aktivitetshuset på Nore Neset torsdag 10.april klokka 17:00.

Mvh

Eirik André Hesthamar

Far til to handballspelarar på Nore Neset IL
Leiar i IL Øyglimt
Fotballtrener for IL Øyglimt Gutar 10 og Jenter 9
Leiar Jentefotballdagen
Leiar Tenesteutvalet i Os Kommune