Politi og lege rykte ut då det kom melding om arbeidsuhell mellom Flåten og Gudriflaten. (Lesarbilde, tips@midtsiden.no)

Arbeidsuhell ved Amfisenteret

Ein mann blei skadd i armen i ei ulykke fredag formiddag.

Av: Kjetil Vasby Bruarøy

Fredag litt før klokka 10.30 rykte politi og lege ut til Byvegen vis a vis Amfisenteret.

– Ein mann er skadd i armen. Han blei kontrollert av lege på staden, fortel politioverbetjent Audun Hadler-Olsen.

Eit vitne på staden fortel til Midtsiden at han ikkje såg større maskiner i nærleiken av mannen som låg i bakken.

– Overtrykk skal vera årsaka til uhellet, fortel politiet.

Det er oppretta sak og Arbeidstilsynet er rutinemessig varsla.

Os kommune legg nye røyr frå Industrivegen og Flåten. Det er uvisst om den skadde mannen jobbar i Os kommune eller hos ein innleigd entreprenør.