Sport | 10. des. 2015

Åsne går til Sandviken

Eliteseriespelar Åsne Takle Eide byter klubb før neste sesong.

Åsne går til Sandviken
Åsne Takle Eide, her i sin første sesong for Arna Bjørnar går til Sandviken neste sesong
Andris Hamretorsdag 10. des. 2015 08:37

Etter seks sesongar i Arna-Bjørnar skiftar no tidlegare Os-spelar og angripar Åsne Takle Eide heimebane. Framleis held ho seg i Bergen, men den nye klubben blir erkerival Sandviken.

– Vi er stornøgd med at ho har valgt oss. Forhåpentlegvis er ho den første av 3–4 forsterkningar før neste sesong, seier sportssjef i Sandviken, Fredrik Nesslin til ba.no.

Sandviken har før neste sesong mista angriparane Madeleine Giske (lagt opp og blir trenar for to andre tidlegare Os-spelarar i Fana) og Andrea Thun (flytta grunna studier).

Gler seg til nye utfordringar

Takle Eide fortel om seks fine sesonger i Arna-Bjørnar, men at det no var på tide med eit skifte.

– Det har vore mange oppturar med tre bronse, eitt NM-gull med J19 og eitt NM-sølv for J19. Men eg ikkje klart å etablera meg godt nok i startellevaren på seniorlaget på den måten eg hadde ønskt.

– Då Sandviken viste interesse så blei vi einige om ein overgang.

– Målet er at klubbskiftet skal gje meir speletid. Det blir òg spennande med ny trenar, fortel Åsne Takle Eide, som no får tidlegare Os-trenar Øyvind Nordtveit som trenar.

– Kva ventar du av din nye klubb?

– Eg ventar at hardt arbeid på treningsfeltet, treningsleir og elles i oppkøyringa vil betala seg med rettferdig speletid. Og så gler eg meg til å prøva noko nytt, avsluttar Takle Eide.

Sandviken, som rykte opp til Toppserien i 2014, avslutta 2015-sesongen på 9. plass med 21 poeng, to plassar bak Arna-Bjørnar.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.