Åtte tatt på Lepsøyvegen

Frå klokka 11 torsdag formiddag sto patrulja frå Os lensmannskontor med ein laserkontroll på Lepsøyvegen.

– Kontrollen varte omlag ein time og resulterte i åtte forenkla forelegg. Den høgste farta som blei målt var 67 km/t i 50-sona, fortel politioverbetjent Audun Hadler-Olsen.

Får ikkje oppsøka huseigar

Politiet har òg forkynt eit besøksforbod for eit ungt par i 20-åra torsdag.

– Bakgrunnen er ei konflikt eller ein tvist mellom dei som tidlegare leigetakarar og huseigar. Det skal vera noko uovereinsstemmelser angåande innbo og oppgjør etter at leigeforholdet blei avslutta.

– Dei to leigetakarane er ilagt besøksforbod og får ikkje lov å oppsøka huseigar, fortel Hadler-Olsen.