Aurora slepp musikkvideo

Torsdag sleppte Aurora Aksnes frå Lysefjorden sin første musikkvideo, sjølv om det ikkje er det ho sjølv definerer den som.

– Den er meint som promo, så den har eigentleg inga større meining. Heile poenget var at den skulle bli fin og rar, og at folk skal få eit inntrykk av meg som artist.

– Det blir nok rarare etter kvart som eg lager ein ordentleg musikkvideo, fortel Aurora Aksnes til Dagbladet via telefon fra Berlin.

Videoen har blitt spelt inn i Bergen og heime i hagen hos familien Aksnes på Drange i Lysefjorden.

SJÅ VIDEOEN NEDST I ARTIKKELEN

Frå Os til London og Berlin

For berre halvanna veke sidan leverte Aurora ein fantastisk konsert heime på Oseana.

Etter det har ho rekt å gjera spelejobbar i London og no i Berlin, kor ho i kveld spelar for spesielt inviterte, før ho i morgon står på scenen for vanleg publikum.

- Det er kjemperart. Eg hadde aldri trudd noko slikt ville skje. Først er det jo moglegheiten til å få opptre i utlandet, men at det faktisk kjem folk er stort.

– Det er mykje skumlare å opptre i utlandet enn i Noreg, seier Aurora i intervjuet med Dagbladet.

Produksjonen av videoen har gått radig.

Dei siste scenene blei spelt inn same dagen som Midtsiden møtte Aurora for intervju før konserten her heime.