Best i klassen opp Ulriken
Eirik Spangelo Haga kom på 3. plass i sin klasse, to andre frå Os vann sin.
Bildeserie:
Laurdag blei årest Ulriken Opp arrangert, med trim- og mosjonsløype frå Montana (405 høgdemeter) og konkurranseklasse frå Store Lungegårdsvann (3,6 km og 605 høgdemeter).
Thorbjørn Ludvigsen vann og sette ny løyperekord med tida 22:06.
Siger til Skaten og Bjørndal
Eirik Spangelo Haga frå Nore Neset IL kom på 3. plass i klassen gutar 14-15 år. Eirik sprang opp Ulriken på den sterke tida 28:50.
Geir Storetvedt Skaten frå Os hamna på 16. plass blant herrane og vann eigen aldersklasse, menn 40-44 år, med tida 26:29.
I 2008 kom han på 5. plass uansett klasse med tida 25.30.
– Eg er likevel nøgd. Eg har berre vore med to gongar etter 2008, men dette er mitt beste resultat sidan den gong. Det er dessutan alltid gøy å vinna sin eigen aldersklasse, seier Skaten, som neste helg skal til Nissedal i Telemark for å prøva å forsvara tittelen i NM i Motbakke frå i fjor.
Også Arne Bjørndal frå Lysekloster vann klassen sin. Han sprang opp på 32:11 og vann klassen menn 55 til 59 år.
God opptur
Mens Skaten i år deltar for Gular, der han i Holmenkollenstafetten var med på opprykk til eliten med Gular 2, stilte Opptur Motbakkeklubb med to deltakarar i konkurranseklassen. Begge hevda seg bra.
Trond Inge Nilsen kom i mål på tida 30:14, godt nok til 4. plass i klassen menn 45 til 49 år.
Kjetil Styrvoll kom på plassen bak med tida 30:22.
André Aspenes kom i mål på 37:44 og kom på 23. plass i menn 35 til 39 år.
Mosjonsklassen
Andre osingar deltok i den noko kortare mosjonsklassen. Her er deira resultat (plassering og tid).
Mosjon med rangering, kvinner:
56. Tone Herland, 30:09
66. Margrethe Røttingen, 33:18
Mosjon med rangering, menn:
15. Hallvard Fykse Gullbrå, 20:26
110. Kjartan Hjortland, 32:54
Her er alle resultata.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.