Eikedalen laurdag, med 30 cm puddersnø utanfor løypene. (Foto: Kjetil Vasby Bruarøy)

– Beste forhold på fleire år

I natt er det venta nye 30 cm med nysnø i Eikedalen, som no er inne i si siste veke med kveldskøyring for sesongen.

image
image
Av: Kjetil Vasby Bruarøy

Med 30 cm nysnø torsdag og påfyll fredag var det duka for ei god helg i alpinanlegga nærmast Os og Bergen.

Laurdag var det vindstille og lettskya i Eikedalen, som hadde heile anlegget ope, men ikkje fullt så mykje besøk som du skulle tru.

– Vi har faktisk hatt to helger som har vore betre enn denne, utan at vi hadde stolheisen open. Det er nok mange som, etter ei regntung veke i låglandet, ikkje såg for seg at det skulle bli så fint i fjellet, seier Fredrik Tønjum frå Eikedalen Skisenter.

Laurdag fekk han fleire tilbakemeldingar frå gjestar som sa dei knapt hadde opplevd betre forhold.

– Vi har hatt fleire helger med mykje snø, men så mykje nysnø rett før helga, for så å få ein vindstille og solrik laurdag, når vi også har heile anlegget ope, er sjaldan vare.

Ventar påfyll i natt og sol frå onsdag

I dag snør det meir i Eikedalen, tung snø nede, tørr snø i toppen. Stolheisen er stengt grunna dårleg sikt i snøvêret.

– Påsken er redda med den snøen som kjem no. Det ser dessutan ut som om denne veka, som er den siste før vi stiller klokka og sluttar med kveldskøyring, kan bli fantastisk både på dagtid og kveld.

Det er nemleg venta rundt 30 cm snø i løpet av måndag kveld og natt til tysdag. Tysdag ettermiddag skal det letta, onsdag og torsdag skal det bli sol og berre 1-2 m/s vind.

Fredag og natt til laurdag er det venta meir snø, mens det er meldt sol til søndag.

– Dei som jobbar turnus, og skular som er om seg og tar skidagen på strak arm når forholda er på topp, kan få seg nokre fine dagar i fjellet denne veka og neste.

Sjå detaljert vêrmelding for Eikedalen på Pent.no (Yr og Storm side om side).

Fleire saker

bilde-midtsiden

Full fres på Kuventræ

27. mai 2017

Bildeserie: Strålande innsats i strålande vêr når Os Friidrett arrangerer Friidrettens dag på Kuventræ laurdag.

bilde-midtsiden

Innbrot og funn av narkotika

27. mai 2017

Politiet gjorde funn under ransaking på dagtid laurdag. Så var dei på undersøking i ein leiligheit i Strøno, der nokon hadde tatt seg inn og stole...

bilde-midtsiden

Nytt styre i Osfest

27. mai 2017

Jan Kristian Rokne, Øyvind Blindheim og Jan Vidar Alnes går inn i styret for Osfest. – Vi vil vera med å byggje festivalen vidare, seier dei tre...

bilde-midtsiden

Vårkonsert med urframføring

27. mai 2017

Kyriake med band framfører ein heilt ny salme av Norvald Johan Kobbeltvedt når dei syng i Nore Neset kyrkje søndag kveld.

bilde-midtsiden

Kos på Os

26. mai 2017

Bildeserie: Vel 300 stilte då Undercover og Os sentrum inviterte til torgfest på Øyro fredag. Det blei ein suksess.

bilde-midtsiden

Tidleg start på årets Friluftsskule

26. mai 2017

Rapellering, padling og tenning av bål - årets Friluftsskule har fokus på padling og sjøliv, og blir arrangert over ein månad tidlegare enn i fjor...

bilde-midtsiden

Mistenkte ruskøyring

26. mai 2017

Ein mann i 40-åra mistenkt for å ha køyrd bil i rusa tilstand i Hagavik torsdag ettermiddag.

bilde-midtsiden

Følte seg bondefanga

26. mai 2017

Politikarane sa ja til oppstart av reguleringsplanen for Hjelle skule, men var ikkje spesielt glade for å ta landbruksarealet.