Bil velta på Ulven

Politi, ambulanse, brannvesen og Forsvaret rykte ut då eit militært køyretøy velta i svingen ved motorcross-banen ved Sigurdsvika rundt klokka 13 onsdag føremiddag.

Bilen låg velta ved sidan av gang- og sykkelvegen som går langs Ulvenvegen.

Ein mann i 40-åra blei tatt hand om av ambulansepersonell på staden. Han var bevisst og såg ut til berre å vera lettare skadd.

Med seg i bilen skal han ha hatt ein hund. Denne skal òg ha blitt skadd og har blitt frakta til veterinær for undersøkingar.

Det skal vera ei mindre lekkasje frå bilen.

Årsaka til ulukka er førebels ikkje kjend.