Bilane låg strødd etter at snøen kom

Bildeserie:

1 av 5

Etter at det laurdag ettermiddag byrja å snø, kom det ei rekkje meldingar om uhell og vanskelege køyreforhold.

Ein bil køyrde utfor på Grindevoll og ein lastebil sto fast opp bakken frå Halhjem ferjekai.

– Sidan morgonen i går har vi i hovudsak hatt oppgåver knytt til trafikk, seier politiførstebetjent Rune Fimreite.

Han fortel om problem på Halhjem, eit mindre uhell på Søfteland og tre som velta over vegen på Drange.

Køyrde på sommardekk

I tillegg har det vore to uhell rett over bygrensa, nær krysset mellom E39 og Haugsdal.

Den eine av dei to som køyrde utfor ved Haugsdals-krysset, litt over klokka 20 i går, hamna opp på autovernet.

Kort tid etterpå hamna ein annan i grøfta. Ifølgje BT.no køyrde bilen på sommardekk, og det blei tatt beslag i førarkort.

Utfor i Oshaugen

I 23-tida fekk Midtsiden tips om stopp i trafikken i Sperrevik. Tipsar bur med utsikt mot vegen, og meldte kort tid seinare at det såg ut til å ha løyst seg.

Klokka 23.13 meldte politiet at ein bil har køyrd i ein murvegg på Søfteland, i23.20-tida fekk Midtsiden melding om utforkøyring i Oshaugen.

Ingen skal ha blitt skadd i utforkøyringane laurdag kveld.