Rødsliane. (Arkivfoto: KVB)

Bilbrann i Rødsliane

Bilen var fullstendig overtent då brannvesenet kom fram.

Av: Kjetil Vasby Bruarøy

Klokka 20.39 torsdag kveld kom det melding om brann i bil i Lønningdal.

– Bilen sto i Rødsliane (fv 137 mellom Rød og Lønningdal) og var overtent då vi kom fram, fortel Anne Kjersti Storebø frå Os brannvesen.

Bilen sto på ei lomme, men det var full stopp i begge retningar mens sløkkearbeidet pågjekk.

– Det var nokre straumleidningar i nærleiken, men det var heldigvis aldri fare for at bilbrannen skulle spreia seg til vegetasjon eller skada straumnettet.

Ingen skal ha blitt skadd i brannen. Midtsiden har ikkje lykkast i å nå politiet for kommentar, men dei har twitra om ulykka utan å nemna personskade.