Bileigar blei vitne til innbrot i eigen bil

To menn i 20-åra blei tatt på fersk gjerning i Os sentrum i natt.

Av: Kjetil Vasby Bruarøy

Natt til fredag oppdaga ein bileigar at to menn var i ferd med å bryta seg inn i bilen hans.

– Vi fekk melding klokka 02.50. Då hadde bilegar, saman med eit par andre, sprunge ned til bilen og fått dei to mistenkte til å bli verande til politiet kom.

Politiet mistenker dessutan at dei to var rusa, og køyrde begge til arresten i Bergen. I skrivande stund sit dei to framleis fengsla.

Begge mistenkte er frå Os.