Sport | 13. des. 2014

Bronse i går, nær pallen i dag

Fredag blei det 3. plass i lagtempo, i dag tok Sverre 5. plass på 5000 meter.

Bronse i går, nær pallen i dag
Førre helg blei det 8. plass i lagtempo (bildet), i går tok Noreg og Sverre bronse. (Foto: Sander Hvammen)
Kjetil Vasby Bruarøy
Kjetil Vasby Bruarøylørdag 13. des. 2014 15:08

Sesongens fjerde verdscup går i helga i nederlandske Heerenveen.

Sverre Lunde Pedersen gjekk lagtempo i går, med forsterka lag med Bøkko tilbake som sesongdebutant gjekk det frå 8. plass i Berlin førre helg til 3. plass i går.

Korea vann på 3.44,57, Nederland tok andeplassen med tida 3.44,97 mens Sverre og resten av Noreg gjekk i mål på 3.45,52, fem hundredelar framfor Canada.

5000-meteren laurdag

Laurdag sto 5000 meter på programmet og Sverre gjekk i 7. par mot Bart Swings.

Sven Kramer tok leiinga med sterke 6.12,74 på heimebane i 4. par, Jorrit Bergsma la seg som nummer 2 med 6.14,08 i 5. par.

Sverre starta greit, men hadde litt for låg fart i dei første rundane. Så jobba han seg ned frå 30,5 til 29,9 på rundetidene og opp frå 9. til 4. plass på mellomtidene.

Sverre vann paret, men med tida 6.22,55 blei det førebels 4. plass før 8. og siste par.

I siste par kom Bob de Jong og Aleksandr Rumyantsev, og de Jong kom seg med 6.20,48 framfor osingen, russiske Rumyantsev hamna rett bak Sverre.

Søndag frå klokka 16.10 kan du følgja 1500-meteren, som Sverre leiar samanlagt, på NRK2.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.