Bur i båten - fekk ei spennande natt

Bildeserie:

1 av 3

Stiv kuling frå søraust har sidan søndag ettermiddag skapt store bølger inn mot Os sentrum.

• Sjå bildeserie: Fjorden slår inn over Os hamn

I marinaen utanfor Oseana og Os Sjøfront var det fleire båteigarar og sjekka båtane sine på morgonen.

Éin av dei bur i båten sin, ein seglbåt som dei siste vekene har lagt ved gjestebrygga inst i moloen.

– Eg har lagt i Øyane tidlegare, men tok båten til Os for eit par veker sidan. No er det god kapasitet i gjestehamna, og eg tenkte det var litt rolegare her inne.

– No veit eg ikkje heilt om det var ein god idé, seier Robert og ler.

Pullerten blei røska av

Lekven seier det blei ei spennande natt, der han låg og skvulpa og lytta til vinden.

Men natta blei ikkje meir spennande enn at han fekk seg rundt seks timar samanhengande søvn.

– Eg sovna i 3-tida og søv til 8.30.

Morgonen blei likevel litt hektisk, då det har kome ein skade på båten.

– Eine pullerten er røska av, så eg må flytta eine fortøyinga.

Realiserer draumen

Båteigaren fortel at han gjekk lenge med ein draum om å bu i båt før han i haust tok avgjerda.

– Eg sa opp leigekontrakten der eg budde, og kjøpte denne seglbåten for å bu i han.

– Saknar du ingenting?

– Nei. Eg har alt eg treng om bord og så langt trivst eg med å bu på denne måten.

– Eg har plan om ein lengre tur til sommaren, fortel Lekven, før han tok på seg overlevingsdrakta og klatra rundt på det rundt 30 fot store flytande huset sitt mens vinden sto på som verst.