Sport | 31. jan. 2017

Bygger ny bane - på heimebane

– Eg var med far min og bygde gamlebanen òg, seier Hallgeir, i sluttspurten på oppdraget for Søre Neset il.

Bygger ny bane - på heimebane
Hallgeir Lekven har blant anna leigd inn Johan Seim til oppdraget i Halhjemsmarka. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøytirsdag 31. jan. 2017 08:30

Bildeserie:

11-abanen frå 90-talet får selskap av ein 7-arbane på neste hylle. (Foto: KVB)
11-abanen frå 90-talet får selskap av ein 7-arbane på neste hylle. (Foto: KVB)
I mars kjem grusen, i april skal kunstgraset rullast ut. (Foto: KVB)
I mars kjem grusen, i april skal kunstgraset rullast ut. (Foto: KVB)
Her kjem sandvolleyballbane. (Foto: KVB)
Her kjem sandvolleyballbane. (Foto: KVB)
Mellom banane blir det trapp og tribune. (Foto: KVB)
Mellom banane blir det trapp og tribune. (Foto: KVB)
1 av 4
11-abanen frå 90-talet får selskap av ein 7-arbane på neste hylle. (Foto: KVB)
I mars kjem grusen, i april skal kunstgraset rullast ut. (Foto: KVB)
Her kjem sandvolleyballbane. (Foto: KVB)
Mellom banane blir det trapp og tribune. (Foto: KVB)

Søre Neset il bygger ny fotballbane, ein 7-arbane som skal stå klar til seriestart på tampen av april.

– I same prosjektet får vi sandvolleyballbane, ein ny bod til utstyr og tribune ned mot 11-arbanen vi har frå før, seier leiar for idrettslaget, Bjarte Aarvik.

– Sjølv om ungdomsfotballen og senior er slått saman med Nore Neset har vi behov for auka kapasitet. Søre Neset har framleis mange yngre lag og det er ikkje så små kull ved Halhjem barneskule og Lunde barneskule lenger.

Dekket kjem i april, allereie i slutten av februar skal entreprenøren ha banen klar for legging av grus. Lekven Entreprenør AS er hyra inn til denne jobben.

– Stort og kjekt prosjekt

Hallgeir Lekven, som er dagleg leiar i pappa Kjell Johan sitt firma, seier dette er eit av dei større prosjekta han har leia.

– I starten på 90-talet, då 11-arbanen blei bygd, var eg òg med. Då tok eg buss rett frå ungdomsskulen for å hjelpa pappa med gravearbeid.

Lekven har seks fast tilsette, men har leig inn både mobilt knuseverk og noko mannskap for å få unna jobben.

Krevjande terreng

Arbeidet på tomta starta i august.

– Det var enkelte store høgdeforskjellar her, rett ved ein knaus som stakk 7-8 meter opp var det 6 meter djupt.

– Men eg trur vi skal koma greit i mål. No held vi på med siste del av dreneringa, noko elektronikk og siste avrunding med pukk knust på staden.

Legg nytt dekke på gamlebanen i 2018

11-arbanen fekk kunstgras i 2003.

– Dekket har gjort sin misjon, vi har plan om å skifta til nytt kunstgras i 2018, fortel Aarvik.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.