Lokal | 21. des. 2016

Consto skal byggje hallen

Consto Bergen har fått tilsagnet på å byggje den nye doble idrettshallen på Kuventræ. Pris; vel 56 millionar kroner.

Consto skal byggje hallen
Den nye idrettshallen vil komma 90 gradar på dagens hall og osbadet. (ill: anbodsskissene frå Os kommune)
Andris Hamreonsdag 21. des. 2016 10:14

Bildeserie:

Slik var kjellaren skissert i anbodspapira på Doffin (ill: anbodsskissene frå Os kommune)
Slik var kjellaren skissert i anbodspapira på Doffin (ill: anbodsskissene frå Os kommune)
Slik var hovudplanet skissert i anbodspapira på Doffin (ill: anbodsskissene frå Os kommune)
Slik var hovudplanet skissert i anbodspapira på Doffin (ill: anbodsskissene frå Os kommune)
Slik var 2. høgda skissert i anbodspapira på Doffin (ill: anbodsskissene frå Os kommune)
Slik var 2. høgda skissert i anbodspapira på Doffin (ill: anbodsskissene frå Os kommune)
Ei grovskisse på fasaden slik dei var skissert på Doffin (ill: anbodsskissene frå Os kommune)
Ei grovskisse på fasaden slik dei var skissert på Doffin (ill: anbodsskissene frå Os kommune)
1 av 4
Slik var kjellaren skissert i anbodspapira på Doffin (ill: anbodsskissene frå Os kommune)
Slik var hovudplanet skissert i anbodspapira på Doffin (ill: anbodsskissene frå Os kommune)
Slik var 2. høgda skissert i anbodspapira på Doffin (ill: anbodsskissene frå Os kommune)
Ei grovskisse på fasaden slik dei var skissert på Doffin (ill: anbodsskissene frå Os kommune)

Tidlegare denne månaden var fristen for å levera tilbud på å byggje den nye doble idrettshallen på Kuventræ. Tilbodet skulle leverast som ei såkalla ekte entreprise, kor tilbyderane tok utgangspunkt i grovskisser frå kommunen med spesifikasjoner av innhald, som to speleflater, garderober, parkeringsanlegg i kjellaren m.v.

– Vi fekk inn seks tilbud, kor ein skar heilt ut og dei andre fem låg relativt jamnt i pris, fortel prosjektsjef Tor Inge Døsen i Os kommune.

Les òg: Dobbelthallen ute på anbod

Eit drøyt års byggjetid

I vurderinga av tilbuda har pris telt mest, deretter gjennomføringsplan og framdriftsplan.

– Alle tilbydarane har lagt omlag likt i framdriftsplanen. Dei reknar med at det vil ta eit drøyt år å byggja hallen.

– Det er pris som har vore det utslagsgivande. Consto Bergen gav eit tilbod på vel 56 millionar kroner inklusive mva. Dei har òg svart tilfredsstillande med utgangspunkt i dei skissene vi hadde laga. Dei fekk i går tilsendt tilsagnsbrevet, fortel prosjektsjefen

Prisen er innanfor den ramma kommunestyret i går kveld vedtok i økonomiplanen.

Truleg oppstart i mars/april

Døsen fortel at dei andre tilbyderane no har klagefrist fram til 4. januar før kommunen går vidare.

– Etter at fristen har gått ut vil eg invitera styringsgruppa med politikarar og folk frå idrettsrådet til eit samrådingsmøte, før vi går i kontraktsforhandlingar med Consto Bergen. Det kan vera at vi ser det er ting vi vil justera på i forhandlingane.

– Går det etter planen, vil dei kunne starta opp der oppe i mars/april, seier Døsen.

Consto Bergen har også eit anna oppdrag for Os kommune desse dagar. Det er nemleg dei som byggjer det nye omsorgssenteret på Luranetunet.

Midtsiden har i denne saka nytta anbodsskissene som låg ute på Doffin som illustrasjonar. Den endelege hallen kan, og vil truleg, avvika noko frå desse.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.