Blei brøyta inne

- Eg har kanskje ikkje den lengste lunta på Drange, men eg blei ikkje sint, eg måtte berre le, seier hytteeigaren som møtte veggen sundag morgon.

På veg til Os frå hyttefeltet på Lysodden trudde ho ikkje sine eigne auge då ho kom til snuplassen ytst på Drange. Der låg nemleg ein velplassert haug med snø, midt i vegen.

- Det er fleire stikkvegar frå snuplassen. Det er riktignok innkjøring forbode for uvedkomande til hyttefeltet, ein veg som også er sperra av med bom. Men det er framleis ein veg, og vi har fleire som brukar den, spesielt i helgene.

I staden for å ringa og kjefta på brøytemannskapet ringte ho etter hjelp til å spa seg fri. Men ho håpar at dei som brøyter på Drange kan legga snøen ein annan plass neste gong det kjem snø.