Bråk på Bar2Be

I 00.30-tida natt til laurdag fekk politiet melding om ein vanskeleg gjest på Bar2Be.

- Vedkomande var så rusa og lagde så mykje kvalme at patruljen valte å ta mannen, som er i 20-åra, med seg for overnatting i arresten i Bergen. Han blir også meldt for å ordensforstyrrelse, seier operasjonsleiar i Hordaland politidistrikt, Ragnar Lyssand.

Drygt to timar seinare fekk politiet melding om slåssing utanfor den same utestaden.

- Fleire litauarar slåss med kvarandre, men roa seg litt då politiet kom fram. Seks personar fekk ordre om å fjerna seg frå Os sentrum, noko dei etterkom. Ingen blir meldt, opplyser Lyssand.

Utanom bråket i sentrum har politiet fått klage på støy frå fleire festar i Os og Askvik i natt.