18°C
18°C
|
Kjetil Vasby Bruarøy
onsdag, mars 17, 2010 - 23:27
|
I førre veke bestemte Sjøfartsdirektoratet at gassferjene på Vestlandet måtte redusera passasjerkapasiteten med 150 frå rundt 600. Årsaka er ny tolking av kapasiteten til livbåtane om bord.
Men onsdag ettermiddag stoppa nærings- og handelsminister Trond Giske vedtaket, ifølgje ei pressemelding frå departementet.
- Det er naudsynt å sjå nærmare på denne saka, vi har derfor instruert Sjøfartsdirektoratet om å legga den fram for EU-kommisjonen, seier Giske.
Årsaka er at redningssystema til ferjene er er godkjente i EU.
- Vi må ha ei felles forståing med EU i denne saka før vi endeleg kan konkludera. Dersom Fjord1 skulle bli pålagt å utstyra ferjene med ekstra redningsflåter, vil dei få eit halvt år på å tilpassa seg.
