Når semitrailarar skal koma til for levering eller henting, er Overflatesenteret AS avhengig av bruk av eit stykke av vegen som går inn på naboen Jan Lepsøe sin eigedom. Men Lepsøe vil bruka eigedomen til å bygga ny veg langs eigen industribygning.
Overflatesenteret tapte saka om vegrett i Nordhordland tingrett 17. oktober 2007. Men 18. september i år vann dei ankesaka, Gulating lagmannsrett har kome til den slutninga at ankeparten har vegrett over naboeigedomen i Ulvenvegen, gnr 54 bnr 776.
Lepsøe ville anka saka til Høgsterett, men fekk 29. januar avslag.
- Endeleg
Bjørn Orrebakken ved Overflatesenteret AS er svært nøgd med avgjerda.
- Eg hadde blitt overraska om anken hadde kome opp, men du kan aldri veta, så eg var litt spent, seier Orrebakken til Midtsiden.no.
- Det har gått 4-5 år, men no har vi endeleg fått ei avgjerd på denne saka.
- Kommunen sitt problem
Hos Ulvenparken og Jan Lepsøe er stemninga ikkje like god.
- Det skal ikkje gå an! Men no er det Os kommune som har eit problem. Vi må snu oss den andre vegen, det er på tide at kommunen, som vi kjøpte eigedomen av, kjem på banen, seier Ann-Elin Lepsøe Berge.
Ho meiner kommunen kunne ha steppa inn tidlegare i prosessen, og kanskje avverga at saka måtte gå den lange vegen i det sivile rettssystemet.
Vil ikkje fjerna fylling
Orrebakken fortel at fyllinga ved Lepsøe sitt hushjørne ligg der enno.
- Heldigvis har vi ikkje hatt dei lengste semitrailarane innom den siste tida, dei ville fått problem med å snu slik det er no. Med avgjerda i Høgsterett må den uansett fjernast.
Men Lepsøe Berge er ikkje einig.
- Vi skal bygga veg langs bygget vårt, og kjem til å halda fram med dette arbeidet, seier ho.
Kommentarer
Virkelig bra å se at rettssystemet ,og rettferdigheten av og til fungerer,slik at de etablerte bedriftene som har sitt virke der med dertil tilhørende arbeidsplasser kan fortsette sin virksomhet i fremtiden,forhåpentligvis uten forstyrrelser av krefter som ikke bryr seg om annet enn egen grådighet og vinning !!!!!!!! GRATULERER MED SEIEREN !1!.
- logg på eller opprett en konto for å skrive kommentarer
Av bymannen 02/03/2010 - 23:38