Gjer klar for Poker Run

Laurdag 19. juni kan du igjen sjå Bjørnefjorden full av hestekrefter. Bergen Poker Run, som har gått frå Bergen til Bekkjarvik fleire år på rad, blei avlyst i fjor etter at ein av arrangørane i Bergen var involvert i ei alvorleg ulykke i Stavanger Poker Run.

- Eg får ny motor i neste veke, og har planar om å stilla, seier Eirik Haugland.

200 nye hestekrefter
Eirik var som Anders Arefjord også med i førre poker run, i juni 2008. Haugland kjører med ein Arriva, Arefjord med verdas raskaste rib,  Rib Cat 38.

- Anders held på å montera motoren han fekk i fjor, eg oppgraderer frå 600 til nærmare 800 hestekrefter med motoren eg får frå Skinne Racing i Østfold, seier Eirik.

Tre frå Os
I tillegg til Haugland og Arefjord ser det ut til at også Johannes Heidal blir blant dei 20 båtane i årets poker run.

- Heidal har ein Wellcraft Scarab med 660 hk diesel som han vil stilla med, fortel Haugland.