18°C
18°C
|
Kjetil Vasby Bruarøy
søndag, februar 21, 2010 - 01:35
|
Deepsea Atlantic fekk mykje merksemd i lokalmedia i sommar. Rekordriggen låg i Bjørnefjorden og kjørte testar og førebudde seg på oppdrag for Statoil på Gullfaksfeltet, og fleire verksemder i Os nytte i seks veker godt av riggeigar Odfjell Drilling sin aktivitet i fjorden.
Natt til 3. august kjørte flyteriggen frå fjorden mot Gullfaksfeltet, men riggen, som skulle vore arbeidsplass til 128 mann, 70 av dei frå Odfjell Drilling, er ikkje i drift. Årsaka er problem med brønnhovuda på Gullfaksfeltet, kanskje grunna vekta på BOP-en (blow out preventer) og konsekvensane er konflikt med Statoil og permittering av 85 tilsette.
- Årsaka til permitteringane er at vi ikkje får dagrater frå Statoil. Dette er ein veldig trist situasjon, seier klubbleiar Geir Frode Nysæter i SAFE i Odfjell til Petro.no.
Industri Energi i Odfjell og Industri Energi Statoil har bede Statoil om å visa samfunnsansvar. Dei to foreiningane møtte kvarandre i veka som var, men kva som skjer vidare er førebels uvisst. Deepsea Atlantic sin søsterrigg, Deepsea Stavanger, skal ifølgje odfjelldrilling.com vera klar til levering i juni.
Kommentarer
La oss huske at det var Statoil som gav krav til BOP og ikke Odfjell. Odfjell fulgte Statoil sine krav og har dermed ingen direkte skyld i problemet. Odfjell drilling saksøker Statoil pga de tapte utgifterde de får, fordi de ikke får noen rate så lenge de ikke borer/produserer. Odfjell viste mistanke om at BOP var for stor og tung i tidlig fase, men det ble ikke gjennomført noen tiltak for at dette skulle forbedres .
- logg på eller opprett en konto for å skrive kommentarer
Av offshore 02/21/2010 - 06:47