Kulturstipend til Ingrid

Ingrid Søfteland Neset (17) vann både konsertoppdrag i Spania og gåvesjekk på 50.000 kroner då ho stakk av med førsteplassen i UMM for to veker sidan.

- Eg ønskjer meg ein ny fløyte. Du får ei veldig god fløyte for mellom 100.000 og 150.000, sa Ingrid etter sigeren i UMM.

I dag fekk ho Os kommune sitt kulturstipend, på 10.000 kroner, og kom med det nærmare "fullfinansiering" av fløyta.

Det er formannskapet som bestemmer kven det årlege stipendet skal gå til. Ordførar Terje Søviknes og kultursjef Lisbeth Axelsen delte ut stipend og blomar. 

Som takk spelte ho "Sæterjentas Søndag" av Ole Bull, som du kan høyra i filmsnutten under.
(Mobilfoto: KVB)