Kva med svaberget?

Store steinmasser blir flytta på på Mobergsneset om dagen, og dei første kubikkmeterane har blitt fylt ut i sjø til det som skal bli ein om lag 200 meter lang molo.

På innsida av moloen står nokre meter med urørt svaberg igjen. Blir dette tatt vare på?

- Vi er spesielt opptatte av å ta vare på mest mogleg svaberg, derfor nærmar vi oss kanten på ein forsiktig måte, seier prosjektleiar Magnar Eide.

Tomta til Os kunst- og kultursenter skal endå lågare enn den er no, men nærmast sjøen blir det skote små salvar.

- Det er mogleg at det ligg ein del stein rundt moloen no, som skal fjeranst seinare. I grensa mellom byggetomt og svaberg har vi dessutan planar om å slipa med smergelband. Då unngår vi at det står skalkar igjen, i tillegg får vi noko dekorativt og praktisk i overgangen, for vi ser for oss at dette slipte svaberget kan brukast som platting, seier Eide.