18°C
18°C
|
Kjetil Vasby Bruarøy
mandag, mars 8, 2010 - 22:36
|
Natt til sundag blei eit butikkvindauge i Os sentrum knust. Vaktane på Bar2Be fekk med seg skadeverket og meldte frå til politiet etter først å ha prøvd å få tak i vedkomande sjølv.
Måndag ettermiddag fortel butikksjefen på Instinct, butikken som fekk ruta si knust, at problemet er ute av verda.
- Ein ung mann har, etter først å ha meldt seg til politiet, møtt opp i butikken og sagt at han vil ordna opp etter seg, fortel Steinar Bøe.
- Han forklarte kva som hadde skjedd og har gjort avtale med huseigar om å erstatta ruta.
Det var berre det ytste laget av utstillingsvindauget som var knust. Steinar seier han er glad for at han fekk besøk av personen som knuste ruta.
- Han ser ut til å vera ein veldig sympatisk kar! Det er slik det skal gjerast, om du har vore uheldig eller gjort noko dumt, still opp og ta ansvar, skryt butikksjefen.
