Slått ned

Det var ein roleg dag for Os lensmannskontor sundag, men natt til sundag var det litt meir å ta fatt i.

Ein kar vart slått ned utanfor Bar2Be natt til sundag. Han kjem innom i dag for å anmelda forhaldet, så der kjem vi til å opna etterforskning, fortel politioverbetjent Terje Sperrevik.

- Vi fekk òg melding om slossing i sentrum, men der var kamphanane vekke før patrulja kom til staden, seier Sperrevik.

Vist vekk
Ein vanskeleg gjest på Opus vart vist vekk frå sentrum, og fekk ordre om å koma seg heim, noko han òg gjorde.

Tatt med narkotika
- Patrulja stoppa to mistenkt for besittelse for narkotika. Dei blei ransaka og narkotikaen beslaglagt før dei blei dimitert.

Sov i industrivegen
Eit av dei siste oppdraga natt til sundag var å ta seg av ein kar som hadde sovna i Industrivegen.

- Han blei kjørt til drukkenskapsarresten etter først å ha vore innom legevakta for ein sjekk, avsluttar Sperrevik