18°C
18°C
|
Kjetil Vasby Bruarøy
mandag, mars 8, 2010 - 12:49
|
I 11.40-tida kom meldinga om snøras i Øvredalsvegen.
- Slik eg har forstått det er vegen sperra av snø. Raset skal ha gått ved Øvredalsvatnet, seier Birger Holmefjord, teknisk vakt i Os kommune til Midtsiden.no.
Politiet hadde ikkje høyrt om raset då Midtsiden.no tok kontakt, men ringte opp igjen seinare.
- Det skal ikkje vera mistanke om at nokon er skadd i raset og det skal ikkje vera behov for at vi rykker ut til staden seier politibetjent Christine Grinstein.
- Fem meter langt
Det var Jimmy Øvredal, som hadde vore på Os ein tur, som meldte frå om raset.
- Eg kom meg ikkje heim. Cirka fem meter av vegen var full av snø, fortel Jimmy om raset som gjekk i formiddag ein gong.
- Men kommunen var lynrask på plass så no er vegen nesten ferdig rydda, fortel han i 13.15-tida.
Raset gjekk ved nedste del av Øvredalsvatnet.
