Stengt til over påske

Torsdag kveld var Os kommune på synfaring med geolog frå Norconsult. Områda rundt dei rasutsette og stengte vegane i Øvredal og Søvikåsen skulle inspiserast.

- Dersom det ikkje kjem for store nedbørsmengder i natt eller i morgon så blir truleg Øvredalsvegen opna igjen fredag ettermiddag, fortel seksjonsleiar for samferdsle i Os kommune, Arne Håkon Rød.

- Men Søvikåsen blir stengt til over påske.

Fryktar nytt steinras
Under inspeksjonen i Søvikåsen, der det nyleg raste ut ein stor stein, blei det oppdaga fleire større steinblokker som ligg slik til at det ser ut som om dei kjem til å rasa ut.

- Derfor  nøyar vi oss ikkje lengre med skilt, no sperrar vi vegen fysisk med betongblokker. Vegen over Søvikåsen blir stengt til over påske, seier Rød.