Lokal | 04. mai 2018

Cruisegjestar tok lunsjen ved Bjørnafjorden

To busslaster med cruisegjestar frå Storbritannia og Australia tok turen til Os fredag for å eta lunsj ved Bjørnafjorden.

Cruisegjestar tok lunsjen ved Bjørnafjorden
Anne Rita Mjelstad og Tove Hodnekvam Nikitas med cruisegjestane på Oseana fredag (foto: Andris Hamre)
Andris Hamrefredag 04. mai 2018 13:46

Bildeserie:

Etter å ha vore på tur frå klokka 07.30 om morgonen smakte det med lunsj i 12.30-tida (foto: AH)
Etter å ha vore på tur frå klokka 07.30 om morgonen smakte det med lunsj i 12.30-tida (foto: AH)
Mjelstad ønskja gjestane velkomen til Oseana (foto: AH)
Mjelstad ønskja gjestane velkomen til Oseana (foto: AH)
Gjestane kom frå P&O Cruises sitt skip Azura (foto: Pjotr Mahhonin, Creativ Common licens)
Gjestane kom frå P&O Cruises sitt skip Azura (foto: Pjotr Mahhonin, Creativ Common licens)
1 av 3
Etter å ha vore på tur frå klokka 07.30 om morgonen smakte det med lunsj i 12.30-tida (foto: AH)
Mjelstad ønskja gjestane velkomen til Oseana (foto: AH)
Gjestane kom frå P&O Cruises sitt skip Azura (foto: Pjotr Mahhonin, Creativ Common licens)

Onsdag ettermiddag fekk Roald Mjeldstad eiger av Oseana kafé og restaurant telefon frå European Cruiceservice med spørsmål om han kunne ta i mot to busslastar med gjestar til lunsj fredag.

– Kjøkkensjefen vår Bartek Lauchstaedt sa umiddelbart at det fiksar vi. Så no er vi klare og venter berre på at gjestane skal koma. Det blei litt i hurten og styrten, men vi kom i mål, smiler eigar Anne Rita Mjelstad i det dei første gjestane kjem ned trappa til restauranten.

Cruiseturistar, eit spennande marked

At dei skulle få dei første cruisegjestane allereie no kom overraskande. Etter planen skulle dei første komma i august.

– Roald har jobba lenge inn mot cruisemarknaden for å få dei til å koma til Os, men den siste tida har det lagt litt på is frå vår side. Vi har vore opptekne med andre ting. Men vi har hatt representantar her frå næringa som har vore her for å ta bileter og for å sjå at vi faktisk ligg så nær sjøen som vi sa vi gjorde. Det er klart at det å eta heilt nede i fjordkanten kan vera ei oppleving for turistane både i fint vêr kor dei ser over på Folgefonna eller i litt gråare vêr, som i dag.

– Vi er veldig spente på korleis dette kan utvikla seg vidare, seier Mjeldheim.

Sultne gjestar

Fredagens gjestar kjem frå P&O Cruises sitt skip Azura.

– Vi er 67 gjestar, to guidar, to på opplæring og to sjåførar i dag, fortel Tove Hodnekvam Nikitas frå European Cruiseservice.

– Gjestane er i hovudsak britiske, men vi har òg med oss minst eitt par frå Australia.

– Turen i dag starta ved båten klokka 07.30. Vi har vore på ei runde i Hardanger kor vi vitja Steinsdalen og Norheimsund før vi køyrde utover att via Fusa og ferja frå Venjaneset før vi kom hit. Det har blitt lite med mat på turen, så dei er ganske klare for ein matbit no.

– Er det første gang de vitjar Os på denne måten?

– Ja, med to bussar så er det det. Eg har rett nok vore her før med private grupper, men då har det vore snakk om ein bil med tre fire gjestar på ei eksklusiv runde. Du skjønner eg kjem frå Steinsviken og gjekk på Os Gymnas då det var nytt, så det å visa fram Osbygda frå Fanafjellet til Bjørnafjorden er veldig kjekt, smiler Hodnekvam Nikitas.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.