Dei tre siste er i gang
Os hamn • I løpet av sommaren skal dei tre siste bølgjedemparane på plass.
Då plan- og bygningsutvalet hadde sitt møte i førre veke nytta Terje Sperrevik (TvS) høve til å spørja om status for bølgjebrytarane.
– Det var kontraktsmøte i Tallin i går, så dei er snart bestilt, svara kommunalsjef Aina Tjosås.
Har funne fram stålet
Prosjektsjef Halvor Hanevik stadfestar at dei har vore i Tallin og hatt møte med verftet.
– Os kommune har stadfesta at vi går vidare med opsjonen og at verftet kan starta arbeidet med å byggje tre nye bølgjedemparar.
– Vi hadde eit positivt oppstartsmøte og har lagt ein framdriftsplan.
– Er verftet i gang med arbeidet?
– Dei har i allefall funne fram stålet og har kapasitet, men om dei faktisk har byrja sveise enno er eg ikkje sikker på.
– Vi har lagt ein framdriftsplan kor vi forventar levering i løpet av sommaren, fortel Hanevik.
Ønskjer alle tre samstundes
Hanevik fortel at dei i utgangspunktet ønskjer å få levert alle tre bølgjedemparane samstundes.
– Om det lar seg gjera har litt med shippingen å gjera. Det er ikkje sikkert det er plass til alle tre på same båt, men i så fall blir den siste levert kort tid etter dei to andre.
– Alle tre skal ferdigstillast samstundes frå verftet, avsluttar prosjektsjefen.
Spennande? Vil du ha ukas høgdepunkt i innboksen?
Les meir om
Tilbod: 1 månad for 1 kr
No kan du lesa Midtsiden.no i 1 månad for kun 1 kr.
- Tilgang til alt innhald
- Utan bindingstid
- Frå 145 kr/md.
Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.