Den beste russebilen i 2016

Bildeserie:

1 av 20

10 av dei 11 russebilane i Os stilte då Midtsiden skulle kåra årets russebil 2016. Den ellevte havarerte i Fana i går.

Bilane har blitt vurderte etter:
• Namn
• Image
• Lyd (og lys)
• Interiør

Juryen var ekstra fagkyndig i år, russepresident i 2015, Lisa Pham, og russepresident i 2014, Ronja Skaathun, vurderte bil etter bil og konkluderte med denne vinnaren:

Nomadz er beste russebil i Os i 2016!

Medlemmane på Nomadz: Andrea Solholm, Susanne Solholm, Ida Strønen, Stine Engelsen, Marita Ellingsen, Maria Lind Olsen og Anita A. Særvold.

– Det var tett mellom dei beste og vi veit at nokre av dei som har fine bilar har jobba hardt gjennom vinteren, mens andre har fått veldig mykje hjelp av andre. Uansett skal vi kåra den beste bilen og «Nomadz» imponerte, det var sånn at du ikkje hadde lyst å gå ut av bilen, seier Ronja og Lisa.

– Flott interiør, strøken utvendig og ei palme kombinert kjølebag er med på å dra opp, synest juryen.

Tre trøstepremiar

Mens vinnaren fekk gåvekort som tilsvarar ein kasse øl var det konfekt i vente til tre andre russebilar.

Jentene på «Yippies» for beste image og god eigeninnsats med å laga hippiehovudstaden New York-tema av bilen, «Flaminghoes» for beste namn og «STRIL D.R.E - Straight Outta Osøyro» for svært høg rølpefaktor.

«Guilty Pleasure», som hadde kjøpt bilen som vann kåringa i fjor, som jurymedlem Lisa Pham var del av, nådde ikkje heilt opp, då bilen ikkje hadde løfta seg noko særleg frå førre feiring.

Fredag går turen til landstreff i Kongeparken for dei fleste av russen frå Os.

Midtsiden takkar jury og deltakarar og ønskjer Osrussen god tur!