Det gror godt i ridemiljøet

Laurdag arrangerte Moldegaard Ryttersportklubb sprangstemne ved Stall Moldegaard i det nydelege sommarvêret.

– I tillegg til dei vanlege klassane, blei det arrangert eige sprangklasse for klubben sine eigne ryttarar, som for første gang skulle få prøve seg på stemne. Dei fleste ryttarane i denne klassen kjem frå rideskulen, Aktiv hest, som held til på Moldegaard, skriv Iril Ulvøen i ei melding til Midtsiden.

Fekk pokal

Dei nye ryttarane skulle, som i dei andre klassene, gjennom løypa utan å riva ned hinder eller stoppa framfor hinderet.

– Det klarte dei fleste unge ryttarane, så det spirer og gror i ridemiljøet på Os. Alle som klarte feilfri runde fekk pokal. I tillegg var det deltakarsløyfe til alle.

Totalt var det 63 startande ryttarar i løpet av laurdagen.