Vegard Leikvoll Moberg, her i treningskamp mot Tromsø i vinter. (Foto: Nils Jarle Sætre)

Dette har han ikkje gjort sidan han var i Os

Vegard Leikvoll Moberg opna målkontoen i nord og skåra både 1-0 og 2-0 for Bodø/Glimt mot Start.

Av: Kjetil Vasby Bruarøy

– Eg kan ikkje hugsa sist eg skåra meir enn eitt mål i ein kamp, det må ha vore heime i Os, seier Vegard Leikvoll Moberg etter 3-2-siger heime over Start i 1. divisjon tysdag kveld.

Leikvoll Moberg skåra bra med mål i sin siste sesong i moderklubben Os, som då han skåra hattrick i 5-0-siger over Fana hausten 2010.

I Åsane blei han stort sett brukt i meir defensive rollar, i Bodø/Glimt er han indreløpar.

I går gav han Bodø/Glimt både 1-0 og 2-0 heime mot Start.

2-0 sto seg til pause, men heimelaget rota vekk leiinga i andre omgang og kampen var ikkje avgjort før Martin Bjørnbak sette inn 3-2 på overtid.

– Kjekt å skyta på mål igjen

Leikvoll Moberg trivst i ny rolle.

– Det er kjekt å vera lengre framme i det offensive spelet igjen. 2-0-skåringa kom på corner, den kunne eg like gjerne ha skåra på som midtstoppar, men 1-0 kom på innlegg.

Begge måla skåra han på hovudet.

I tillegg hadde han eit skot som blei redda då keeper slo den i stolpe og ut.

På stigande form

I sin nye klubb måtte han stå over serieopninga grunna betennelse i ein tommel, men debuterte borte mot gamleklubben Åsane og har spelt samtlege minutt i dei fire neste rundane (fekk kvila seg i første NM-runde).

– Eg gjekk fire veker på antibiotika. Då eg var ferdig med kuren merka eg fort at formen blei betre, seier Vegard, klar for vidare kamp om å vinna serien og ta Bodø/Glimt tilbake i Eliteserien.

Fleire saker

bilde-midtsiden

Fann tjuvgods etter innbrot i garasje

21. juli 2017

Politiet: • Rusa mann i bar overkropp balanserte langs E39 • Fann motorsag etter innbrot • Ber om tips om svart bil med spoiler.

bilde-midtsiden

– Heile rommet blei ommøblert

21. juli 2017

Osingane Anders Grov og Madelen Bergesen Olsen var på Kos då ferieparadiset blei råka av kraftig jordskjelv.

bilde-midtsiden

Finvêret held fram

20. juli 2017

I kveld skal det bli 27 gradar. Dei neste seks dagane ser heller ikkje så verst ut.

bilde-midtsiden

Yrande liv

19. juli 2017

Det tok ikkje lang tid før folk strømma ut og til stranda. Del din sommar på Instagram: #mellomfjordarogfjell

bilde-midtsiden

Notabene blir ARK

19. juli 2017

Frå torsdag finn du ikkje lenger Notabene på AMFI Os. Bokhandlarkjeda ARK har nemleg kjøpt butikken på Os, som ein av 24 i landet.