Sport | 25. des. 2017

Dette oppgjeret har dei venta lenge på

Før jul fekk fire kameratar bryna seg på kvarandre etter to år gamle veddemål.

Dette oppgjeret har dei venta lenge på
Fredag var det tid for oppgjer: Tore Kinden mot Ole Westhrin 6,3 km i hesteløypa. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøymandag 25. des. 2017 09:20

Bildeserie:

Spent publikum: Kjetil L. Eide og Daniel H. Halhjem. (Foto: KVB)
Spent publikum: Kjetil L. Eide og Daniel H. Halhjem. (Foto: KVB)
Kinden opna hardt. (Foto: KVB)
Kinden opna hardt. (Foto: KVB)
... og hadde ingen i ryggen etter første tur over langstrekket. (Foto: KVB)
... og hadde ingen i ryggen etter første tur over langstrekket. (Foto: KVB)
– Der kjem han! (Foto: KVB)
– Der kjem han! (Foto: KVB)
Coach Lien prøvde å halda håpet oppe på Ole. (Foto: KVB)
Coach Lien prøvde å halda håpet oppe på Ole. (Foto: KVB)
TV Moldskred fekk intervju med optimist Lien. (Foto: KVB)
TV Moldskred fekk intervju med optimist Lien. (Foto: KVB)
Kinden i mål på 33,24. (Foto: KVB)
Kinden i mål på 33,24. (Foto: KVB)
Westhrin ein del minutt seinare. (Foto: KVB)
Westhrin ein del minutt seinare. (Foto: KVB)
Slaget er over, men det blir kanskje ikkje siste veddemål? (Foto: KVB)
Slaget er over, men det blir kanskje ikkje siste veddemål? (Foto: KVB)
Mats Cato måtte springa første 40 baklengs i 100 m duell med Daniel. (Foto: KVB)
Mats Cato måtte springa første 40 baklengs i 100 m duell med Daniel. (Foto: KVB)
... så kunne han snu seg. Samtidig hadde Daniel eit lite snublesteg. (Foto: KVB)
... så kunne han snu seg. Samtidig hadde Daniel eit lite snublesteg. (Foto: KVB)
Det blei nesten behov for målfoto. (Foto: KVB)
Det blei nesten behov for målfoto. (Foto: KVB)
1 av 12
Spent publikum: Kjetil L. Eide og Daniel H. Halhjem. (Foto: KVB)
Kinden opna hardt. (Foto: KVB)
... og hadde ingen i ryggen etter første tur over langstrekket. (Foto: KVB)
– Der kjem han! (Foto: KVB)
Coach Lien prøvde å halda håpet oppe på Ole. (Foto: KVB)
TV Moldskred fekk intervju med optimist Lien. (Foto: KVB)
Kinden i mål på 33,24. (Foto: KVB)
Westhrin ein del minutt seinare. (Foto: KVB)
Slaget er over, men det blir kanskje ikkje siste veddemål? (Foto: KVB)
Mats Cato måtte springa første 40 baklengs i 100 m duell med Daniel. (Foto: KVB)
... så kunne han snu seg. Samtidig hadde Daniel eit lite snublesteg. (Foto: KVB)
Det blei nesten behov for målfoto. (Foto: KVB)

Mykje sto på spel for kameratane til OBOS-ligaen-spelar Mats Cato Moldskred fredag.

Etter ein tur til Geilo for to år sidan, der det blei diskusjonar om kven som var i form, og kven som var «ute av stand til å koma i form», oppsto det fleire påstandar og veddemål.

– Ole (Westhrin) var ein lovande keeper for 15 år sidan, men han var aldri noko rask. Eg sa at han aldri kom til å klara å slå meg i nokon form for idrett, fortel Tore Kinden.

Det endte med at dei to avtalte å springa to rundar + to langstrekk i hesteløypa i Osmarka. Distansen er på 6,3 kilometer.

– Kva står på spel?

– Berre ære. Den som taper dette veddemålet får ei tung jul og ein tøff start på 2018, påstår Kjetil Lund Eide.

Den einaste som hadde pengar å tapa var Ole sin personlege coach, Øystein Lien. Han fekk 2 i odds på sin eigen kandidat då han vedda ein hundrelapp med Torkel Hjertnes.

– Eg har blitt lurt

Kameratar stilte som publikum, tidtakarar og støtteapparat då Tore skulle springa mot Ole.

– Ole har ikkje vore så tynn sidan 5. klasse, hevda Kristian Nordahl-Pedersen.

– Dette kan bli spennande.

Men spennande blei det aldri. Løpet starta nedanfor Banktjørnhaugen barnehage, bor langstrekket sør mot Sveo, tilbake og valfri retning i rundløypa før ny tur bort langstrekket og tilbake for siste runde.

Tore drog tidleg ifrå og Ole, trass iherdig coaching av Øystein Lien, klarte aldri å eta seg innpå igjen.

Kinden, som hadde gjeve utrykk for at han har trent lite i det siste, kom i mål på 33,24. Westhrin kom fleire minutt seinare.

– Eg har levd ei løgn, eg visste i grunnen at dette ikkje ville gå. Samtidig har eg blitt lurt, Tore påstår at han ikkje har trent, men bur jo rett oppi her, og ser jo ut til å vera i toppform på heimebane, sa Ole etter målgang.

Ole har sjølv vore litt i trening i hesteløypa saman med ein vi kanskje kan kalla mr Hesteløypo, Kjetil L. Eide.

Eide hadde som mål å springa 1000 km i hesteløypa i 2017. Dette er passert, og no ligg han an til å passera 1200 km, så han får eit snitt 100 km per månad!

Mats Cato vs «Humlo»

Fleire veddeløp oppsto på same gutetur for to år sidan. Opprinneleg skulle Ole ha eit kappløp mot Daniel Humlen Halhjem for eitt år sidan, hausa kraftig opp på Facebook som arrangementet «Dødt løp», men dette blei avlyst då «Humlo» måtte reisa på jobb.

– Eg er glad det endte med at Tore tok denne duellen med Ole, seier Daniel.

Samtidig hadde Mats Cato sagt at han ville slå Daniel på 100 meter, sjølv om Mats Cato sprang første 40 meter baklengs. Mens gjengen var samla for å sjå Tore vs Ole kom denne 100-meteren på banen igjen.

Ivrig etter å skaffa seg sjølv betre odds prøvde Mats Cato både å unnskylda seg med dårlege sko, endra baklengs til forsprang på 20 meter - og å endra distansen til 110 meter. Men juryen var nådelaus, det måtte bli som avtalt.

Ein grov tjuvstart av begge gjorde at begge måtte tilbake til startstreken. Noko som kanskje var ei sjokkbølgje frå Mats Cato sin aksellerasjon då han snudde seg rettvendt på 40 meter, sendte Daniel ut i eit lite snublesteg, og OBOS-spelaren tok for alvor innpå.

Men Daniel fekk opp igjen farten og over målstreken var det få centimeter som avgjorde i favør Moldskred.

Dei involverte er ein kameratgjeng der dei fleste er i starten på 30-åra. No er det berre til å frykta kva veddemål som kjem opp når denne gjengen kjem i 40-årskrisa.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.