– Dette var ikkje noko kjekt
Langedalen: Eigaren var 50 meter frå inngangsdøra si då volvoen tok fyr.
Bildeserie:
I 22-tida måndag rykte Os brannvesen, lege, ambulanse og politi ut til bilbrann i Langedalen.
Førar, som var åleine i bilen, blei sjekka av lege, men skal ha kome uskadd frå brannen.
SJÅ VIDEO NEDST I ARTIKKELEN
– Bilen var heilt overtent då vi kom fram, fortel brannsjef Stein Gjøsund.
Kunne isolert Lysefjorden
Langedalen, som går frå E39 ved Joker på Søfeland og over til fv 161 Lyseklostervegen, var framleis stengt for trafikk då Midtsiden i 22.40-tida kjørte frå staden.
I utgangspunktet skulle vegen i kveld vore einaste opne bilveg mellom Drange og Lysefjorden og omverda, men grunna ras på Fanafjellet fekk ikkje Forsvarsbygg stenga på Ulven som planlagt.
Om ikkje vegvesenet hadde trekt løyvet sitt ville både Fanafjellet og Ulven vore stengt frå klokka 20 i kveld til klokka 6 i morgon, og den stengte Langedalen ville isolert krinsen fullstendig.
Nesten heime
Bilførar bur i Langedalen og var på veg heim då bilen byrja å fuska.
– Den fuska og kubba då eg var på veg opp bakken. Så kom røyken, fortel bilførar, ein mann i 50-åra.
Bilen, ein Volvo 850, står fullstendig utbrent 50 meter frå inngangsdøra til eigar.
– Eg sprang opp bakken til huset mitt for å henta brannsløkkingsapparat, men då eg kom til inngangsdøra og snudde meg, såg eg at flammane kom.
– Det var ein god og komfortabel bil, dette var ikkje noko kjekt, synest han.
VIDEO: Under ser du 8 sekund av brannen. (Lesarvideo)
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.