Lokal | 19. feb. 2017

Dirigering, straumbrot og ny vasslekkasje

Mange fekk vatnet raskt tilbake, andre kan førebu seg på ei natt og ein måndag utan vatn.

Dirigering, straumbrot og ny vasslekkasje
Det var dirigering på hatvikvegen fram til i 20.30-tida i kveld. (Foto: KVB)
Kjetil Vasby Bruarøy
Kjetil Vasby Bruarøysøndag 19. feb. 2017 20:05

Bildeserie:

Brotet er reparert og det er sendt ut kokevarsel til innbyggarane i Hamnevegen. (Foto: KVB)
Brotet er reparert og det er sendt ut kokevarsel til innbyggarane i Hamnevegen. (Foto: KVB)
No har det oppstått nytt vassleidningsbrot i Hamnevegen. (Foto: KVB)
No har det oppstått nytt vassleidningsbrot i Hamnevegen. (Foto: KVB)
1 av 2
Brotet er reparert og det er sendt ut kokevarsel til innbyggarane i Hamnevegen. (Foto: KVB)
No har det oppstått nytt vassleidningsbrot i Hamnevegen. (Foto: KVB)

Søndag i 9-tida blei det oppdaga brot i ein vassleidning langs Hatvikvegen ved Hamnevegen, nær Vinmonopolet i Irisgården.

– Eg fekk over 100 telefonar frå bustadar som var utan vatn då vi kopla av, men etterkvart kunne vi isolera det til Hamnevegen, fortel teknisk vakt Dag Søfteland.

Kokevarsel og straumbrot

Bustadane på Lurane, Haugsneset og Steinneset skal ha fått vatnet tilbake etter eit par timar, mens Hamnevegen fekk vatnet påkopla no i kveld.

– Det er sendt ut kokevarsel til dei som bur i Hamnevegen. Det var eit stort brot og var noko tilsig. Røret er reinsa, men inntil vi får positivt svar på analyse av drikkevatnet, noko som tidlegast skjer på dagen måndag, må folk koka drikkevatnet.

I same område har det vore straumbrot i nokre timar i dag. Det var først spørsmål om dette kom i samband med gravinga etter vasslekkasjen, men det ser ikkje ut til å vera anna enn eit tilfeldig samatreff.

Ny vasslekkasje

Det var manuell dirigering på Hatvikvegen ved Hamnevegen fram til i 20.30-tida søndag.

Då vatnet blei skrudd på etter reparasjonen skal asfalten utanfor Os Eldresenter ha bølgja seg opp.

– No ser det ut som om vi har nok eit brot, og det er fare for at vi må stenga av og grava også her, seier ein av Bergen Vann sine representantar på staden.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.