Dødballdød i Vallhall

Lysekloster møtte Vålerenga 2 med mellomanna Herman Stengel, som skåra to, på motsatt banehalvleik då dei reiste til Oslo søndag.

Det blei eit målrikt møte. Heile åtte mål skåra dei to laga.

Vif2 - Lysekloster 5-3 (3-1)
Lysekloster sitt lag: Chris Sunde Midtun, Ola Sjømælingen, Baste Jonassen, Denis Ljubovic, Aleksander Andersen, Espen Birkeland, Ståle Steen Sæthre, Martin Røttingen Eidsvik, Sigve Rørstad, Sebastian Holmqvist, Petrit Zhubi.
Innbyttarar med speletid: thomas Helland, Hans-Christian Nysæther

– I dag var vi for svake, spesielt i forsvar. Vi slepp inn heile fire dødballer. Det er ikkje bra nok. Vi svikter nok litt i konsentrasjonen bak, oppsummerer sportsleg leiar, Svein Kollen.

Zhubi god

Lysekloster sine mål kom med Sebastian Holmqvist, Baste Jonassen og Petrit Zhubi.

– Zubi speler ein kjempekamp som spiss og får absolutt godkjent.

– Hadde vi hatt litt meir konsentrasjon på frisparka, så skulle vi ha tatt dette, meiner Kollen.

Lysekloster ligg framleis fire poeng over den kritiske 8. plassen som gjev nedrykk, samstundes er dei berre tre poeng bak tredjeplassen.

Sjå tabellen