E39: Byggestart på torsdag
E39 Svegatjørn - Rådal: Torsdag 3. september er det byggestart i Fana, torsdag 1. oktober byrjar gravinga i Os.
Torsdag skal statssekretær Tom Cato Karlsen i Samferdsledepartementet ta første spadetak på ny E39 Svegatjørn-Rådal.
– Kvifor vi startar i Fana ein månad før Os blei avgjort før eg kom inn i prosjektet, men det er ikkje lenge til maskinene rullar inn i Os heller, seier prosjektleiar Sverre Ottesen frå Statens vegvesen til Midtsiden.
I Fana er klargjeringa til byggestart allereie i gang og etter det symbolske spadetaket torsdag startar gravinga i neste veke.
– Implenia startar med å bygga anleggsveg fram til driving av spaghetti-tunnellane, som dei blir kalla, mellom Fanavegen, Flyplassvegen og Nordås.
Parallell-innsats i Os frå 1. oktober
Torsdag 1. oktober er det byggestart i Os kommune. Veidekke kjem til å starta ved Svegatjørn samtidig som dei bygger anleggsveg inn i Endelausemarka.
– Dei startar også samtidig ved Klokkarvatnet i Fana, der dei skal bygga ein midlertidig tunnel inn til Lyshorntunnelen, for å driva den innanfrå og ut til begge sider.
– Blir dette ein rømningsveg seinare?
– Nei, den blir murt igjen.
Kva med deponeringa i Bergen?
I førre veke blei det kjent at Bergen kommune har snudd og trekk løyvet til å dumpa stein frå E39-prosjektet i Liavatnet (les meir på BT.no).
Det ser ikkje ut til å bremsa prosjektet.
– No er dette så ferskt at det er for tidleg å seia kva løysinga blir. Men denne deponeringa ligg i ein godkjent reguleringsplan og fram til noko anna er bestemt så oppfører vi oss som om vi har lov til å deponera i Liavatnet.
Ventar med bomstasjonane
Det skal også byggast bomstasjonar både på nyevegen og på eksterande vegar mellom Os og Bergen.
Etter at det blei klart at det ikkje blir bompengeinnkrevjing i byggeperioden er bygging av stasjonane utsett.
– Dette hastar ikkje, og blir nok ikkje aktuelt før siste året før vegen er klar. Det er også ei uavklart sak i Nordvik, der Stortinget har bedt oss sjå på denne éin gong til. Det har vi ei eiga gruppe som jobbar med.
– Men i samband med byggestart er det uendeleg med møter. Vi i vegvesenet har det overordna HMS-ansvaret, i tillegg er det rundt 10 kontraktar igjen som skal signerast på prosjektet.
Midtsiden samleside: E39 Svegatjørn - Rådal
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.