– Eg vil også ha bensintankane mine igjen!

Søndag blei det oppdaga tjuveri av ein bensintank på Halhjem.

Vitne hadde sett nokre ungdomar dumpa tanken i Hauglandssjøen, truleg etter å ha tappa av bensinen, og fornærma ba tjuvane i den noko karakteristiske båten ta kontakt.

I går skulle Quang van Dang på fisketur, men då var begge bensintankane vekke.

– Hengelåsen var knekt opp og benken slengt vekk. Eg hadde to bensintankar fulle med bensin, men begge er stolne, fortel han.

Båten, som ligg i Vargavågen, har ikkje vore brukt på to-tre veker, så det er uvisst kor tid tjuveriet har skjedd.

– Om syndarane tar kontakt med meg før helga, i dag eller i morgon, og gjer opp for seg, så blir ikkje forholdet meldt.

Van Dang sitt mobilnummer er 948 52 991.

– Eg kjenner til at dei som stal på Halhjem har innrømt saka og eg veit at same båt er observert i Vargavågen fleire gongar. Eg veit ikkje om det er dei same som står bak, men sjansen er nok stor for at dei hamnar i søkjelyset om politiet blir kopla inn. Uansett ber eg syndarane ta kontakt og gjera opp for seg, seier van Dang.