Lokal | 15. des. 2014

Éin kunne blitt til fire

I går blei nok ein hjort påkjørt i 80-sona nord for Liafjellstunnelen. Då ettersøket starta sprang tre nye hjortar over vegen.

Éin kunne blitt til fire
Det heng framleis litt pels igjen på bilen som kjørte på hjorten søndag kveld. (Lesarbilde)
Kjetil Vasby Bruarøy
Kjetil Vasby Bruarøymandag 15. des. 2014 08:40

Søndag i 22.40-tida fekk politiet melding om påkjørt hjort på E39 mellom Liafjellstunnelen og Mobergsbrua.

– Ingen i bilen blei skadd. Hjorten sprang til fjells og viltkontakt rykte ut, fortel politioverbetjent Audun Hadler-Olsen.

Bilen skal ha hatt retning nord/Bergen då han fekk hjorten inn i venstresida på bilen. Det heng framleis nokre tustar med pels igjen mellom døra og skjermen.

Eit problemområde

Dette er same plass som ein bil landa på taket etter unnamanøver grunna kryssande hjort laurdag for ei god veke sidan.

Også tidlegare i haust har det vore fleire tilfelle av samanstøyt mellom hjort og bil på dette korte strekket, ei veke i september var det to tilfelle på éi veke.

Jagde fram tre til

Viltkontakt Espen Andersen er kjent med problemet med kryssande hjort på dette strekket.

– Då vi parkerte ved eit hus nær tunnelen, for å unngå å parkera i grøfta, jagde vi tre hjortar framfor oss.

– Vi heldt pusten då dei kryssa vegen, heldigvis kom det ingen bilar akkurat då.

Dei jaga i det eldste sporet etter den påkjørte hjorten i rundt ein time, men fann ingenting.

– Hjorten skal ha halta etter påkjørsla, men vi såg ikkje noko blod i sporet og den var tydelegvis frisk nok til å springa frå oss. Men det er mogleg at vi tar eit nytt søk i dag, seier Andersen.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.