Ein svak og ein god omgang

Med ein influensasjuk Ørjan Sandal fekk Tore Nielsen ansvaret for Lysekloster-gutane i treningskampen mot Varegg heime på Edne torsdag kveld.

– Det blir ein rotete førsteomgang frå vår side.

– Vi klarer ikkje å helde gode avstander i lagdelene og får ikkje til vårt eige spel.

– Det blir for mykje klumping på midten, oppsummerar Nielsen.

Gjorde som dei har trent på

Varegg gjekk til pause med leiinga 0-1.

– I pausen fekk vi justert det vi sleit med i førsteomgangen.

– Difor vart andreomgangen mykje betre. Då fekk vi til det spelet som vi trente på i Spania.

– Tommy Gaustad putter to ganske tidleg i omgangen, før Lars Henrik Skage set inn to til før full tid.

– 4-1 er nok eit fortent resultat ut frå banespelet, men kampen viste oss at vi er nøydd til å vera på frå start.

– Om ikkje vi er det, så kan vi fort få slita mot dei andre laga i divisjonen vår, meiner Nielsen.

Kalstad tilbake i slag

Nielsen er spesielt imponert over Daniel Kalstad sin innsats mot Varegg.

– Daniel har vore skadd meir eller mindre i to år, men i går såg eg mykje av det eg såg hos han i Os då eg trente dei i 2010.

– No er han tilbake i godt gamalt slag.

LIL starta med desse spelarane: Chris Sunde Midtun, Baste Jonassen, Ola Sjømæling, Preben Skorpen, Aleksander Andersen, Espen Birkeland, Johannes Jordal, Sindre Flaa, Daniel Kalstad, Tommy Gaustad og Øystein Takle Eide.

Spelarar som kom inn i andre omgang: Lars Henrik Skage, Knut Eriksen Eide, Hans-Christian Nysæther og Joakim Hjelmeland.