Kultur | 22. juli 2014

Eirik på toppen av Tønsberg

– Har du sjansen så ta turen til siste runde av Rock Adventure i Oseberg Kulturhus i Tønsberg, anbefaler Torodd Rimstad.

Kjetil Vasby Bruarøy
Kjetil Vasby Bruarøytirsdag 22. juli 2014 09:33

Bildeserie:

Torodd mellom Linda Kvam og kameraten Nils Rue. (Privat foto)
Torodd mellom Linda Kvam og kameraten Nils Rue. (Privat foto)
Eirik fortel om utselte show. Laurdag går siste av fem. (Foto: Anita Søderlind Andersen)
Eirik fortel om utselte show. Laurdag går siste av fem. (Foto: Anita Søderlind Andersen)
Torodd koste seg i salen saman med kona Yvonne. (Foto: Anita Søderlind Andersen)
Torodd koste seg i salen saman med kona Yvonne. (Foto: Anita Søderlind Andersen)
Fan av kvarandre, Eirik, Åge og Nils. (Foto: Anita Søderlind Andersen)
Fan av kvarandre, Eirik, Åge og Nils. (Foto: Anita Søderlind Andersen)
Dei fleste låtane hadde fleire vokalistar. (Foto: Anita Søderlind Andersen)
Dei fleste låtane hadde fleire vokalistar. (Foto: Anita Søderlind Andersen)
Så var det finale med Kiss. (Foto: Anita Søderlind Andersen)
Så var det finale med Kiss. (Foto: Anita Søderlind Andersen)
– Har du sjansen så få med deg siste show laurdag, seier Torodd. (Foto: Anita Søderlind Andersen)
– Har du sjansen så få med deg siste show laurdag, seier Torodd. (Foto: Anita Søderlind Andersen)
1 av 7
Torodd mellom Linda Kvam og kameraten Nils Rue. (Privat foto)
Eirik fortel om utselte show. Laurdag går siste av fem. (Foto: Anita Søderlind Andersen)
Torodd koste seg i salen saman med kona Yvonne. (Foto: Anita Søderlind Andersen)
Fan av kvarandre, Eirik, Åge og Nils. (Foto: Anita Søderlind Andersen)
Dei fleste låtane hadde fleire vokalistar. (Foto: Anita Søderlind Andersen)
Så var det finale med Kiss. (Foto: Anita Søderlind Andersen)
– Har du sjansen så få med deg siste show laurdag, seier Torodd. (Foto: Anita Søderlind Andersen)

Eirik Strønen Søfteland har hatt eit tettpakka program i sommar, med Allsang på Grensen på TV2 innimellom fem kveldar med Rock Adventure i Tønsberg.

– Eg var og såg showet i helga og vil anbefala rockefans i nærleiken å sikra seg billett til laurdagens siste runde, seier Torodd Rimstad.

SJÅ VIDEO NEDST I ARTIKKELEN

Torodd bur i Os og er kamerat med to av dei fire vokalistane som i Oseberg Kulturhus syng seg gjennom rockens historie frå 1960 til 1974.

– Nils har eg kjent i 25 år, sidan vi var ung og spelte i band saman, før Pagans Mind-tida starta. Eirik blei eg kjent med då eg flytta til Os.

Historieforteljing med krutt i

Eirik Søfteland syng saman med Nils K. Rue, Åge Steen Nilsen (WigWam, Ammunition) og countryjenta Linda Kvam.

– Det er meir enn ein konsert, det er eit show med forteljar som fortel historier om rocken mellom låtene, med eit fett reprertoar, med nokre av dei beste stemmene i Noreg, og alt sydd i hop i ein saftig produksjon med lys, lyd og fyrverkeri.

– Er du osing på ferie på Aust- eller Sørlandet bør du svinga innom Tønsberg og få med deg dette, er Torodd si klare oppmoding.

Oseberg Kulturhus tar rett over 990 i amfiet og var heilt eller nesten utselt på dei to første framsyningane.

– Vi har hatt mykje folk på alle fire og ser veldig fram til laurdag. Seinare vil vi ta showet på turné, seier Eirik Søfteland til Midtsiden.

Torodd meiner spesielt programsjefen i Oseana bør ta turen og oppleva Rock Adventure.

Fan av kvarandre

Det er fleire koplingar mellom vokalistane i showet. Nokre av dei er litt underhaldande.

– Det er litt spesielt at eg, då eg arrangerte Pagans Mind-konsert på Bar2Be i Os i 2010, introduserte Eirik for Nils. Og no syng dei saman.

Eirik fortel at han har vore stor fan av Pagans Mind frå han var 11-12 år.

– Eg og kameratane mine kunne alle låtene deira utanat, og prøvde å spela dei då vi var på øving i rockeklubben.

Seinare har Eirik med bandet KingCalling varma opp for Pagans Mind både på Garage og i Haugesund. Alt dette var før Idol og Skal vi danse.

– Åge og WigWam har eg likt lenge, men eg fekk først eit meir personleg forhold til han då han sendte meg sms etter ein semifinale i Idol, der han gav meg ros og sa at han heia på meg.

– Han heldt fram med å senda meg melding etter kvar runde og vi fekk etterkvart møta kvarandre, fortel Eirik.

Torodd fortel at han fekk seg ein tur backstage, og då var det særleg éin ting som gjorde inntrykk.

– Åge spelte nokre låtar frå det komande debutalbumet til det nye bandet hans, Ammunition, og det høyrdes utruleg bra ut. Hald øyrene opne for dette bandet framover, anbefaler han.

Linda gjorde inntrykk

Linda Kvam er countryjente, men stemma hennar er ifølgje Torodd perfekt til rock.

– Ho toppar heile showet med si rå framføring av Janis Joplin-låta av Mercedes Benz. Eg får gåsehud berre eg snakkar om det.

YouTube: Sjå Linda synga Me and Bobby McGee på NRK.

Også Linda har Eirik fått eit godt forhold til i løpet av tida i Tønsberg.

– Eg møtte ho først då vi spelte inn noko til ei TV-sending i juni og no har vi blitt endå betre kjent. Linda er heilt rå på scenen, og veldig koselig som person. Eg håper vi får spelt mykje meir saman, seier Eirik.

På toppen av Tønsberg

Mens dei første vekene gjekk med til pendling mellom Allsang og Tønsberg er Eirik no godt plassert eit stykke oppover i etasjane på Quality Hotell Tønsberg.

– Her har eg det fantastisk med nydeleg utsikt over eit yrande sommarliv frå ein strøken juniorsuite i eit flott hotell.

– Eg får ti dagar her på hotellet og no gler eg meg til kjærasten min, Mia, kjem bortover, og til siste rockeshow i Tønsberg for denne gong.

VIDEO: Sjå Eirik og venane synga Satisfaction av Rolling Stones. (Privat foto, Yvonne Kofoed)

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.