Eksklusivt Fredrik-mål
Fredrik Heggland skåra mot Turkmenistan (!) då Brann 2 tapte 1-4 onsdag.
Juniorane til Brann er denne veka i Tyrkia på treningsleir. Onsdag var det duka for treningskamp mot A-landslaget til Turkmenistan som er i Tyrkia for å gjera førebuingar til Asia Cup kor dei i mai møter Afganistan, Laos og Filippinene.
Turkmenistan ligg i skrivande stund på 156. plass på FIFA-rankingen (Noreg er på 56. plass).
- Folka frå Turkmenistan var overraska over at dei møter norske juniorar.
– Vi har påpeka at vi speler seniorfotball i 2. divisjon heime i Noreg og tilhøyrer ein toppklubb, fortalde Rune Soltvedt, utviklingssjef i Brann til Brann.no før kampen.
Fredrik på corner
Brann-juniorane tapte 1-4 etter å ha gått til pause på stillinga 1-1.
Turkmenistan tok leiinga etter eit kvarter før osingen Fredrik Heggland utligna etter ein corner då det var spelt 31. minutt.
I andre omgangen skåra Turkmenistan tre mål etter 55, 63 og 65 minutt.
– Vi spelte jamt med dei i 1. omgangen, men i 2. omgangen blei det for tøft, oppsummerar Soltvedt på twitter.
Simen Lassen er òg med på treningsleiren i Tyrkia, men var ikkje i startoppstillinga til "landskampen".
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.