Elbil knust av stor hjort

Tysdag i 8-tida fekk politiet melding om påkøyrd hjort på fv 160 over Ulvensletta.

Ulykka skjedde i dumpen mellom Ulven leir og flystripa på Vaksinen, bilen skal ha hatt retning frå Skeie mot Kolskogen.

– Det skal ikkje ha vore noko personskade i samband med ulykka, seier politiet.

– Ein stor bukk

Viltkontakt Espen Andersen blei varsla av både vitne og politi tysdag morgon.

– Eg er på staden no. Det er bra at ingen blei skadd, eg har ikkje sett ein så knust bil etter hjortepåkørsel sidan den på Moberg for ein del år sidan.

Bilen, ein Nissan Leaf, er svært skadd i fronten.

Det gjekk ikkje bra med hjorten heller, den døydde på staden.

– Det var ein stor bukk, fortel Andersen.