Dina Midthun er utplassert hos Peppes Pizza denne veka. Der liker ho seg godt. (Foto: Tara Bøe)

Elevar prøver seg i arbeidslivet

Elevar frå Nore Neset ungdomsskule er denne veka utplasserte i arbeidspraksis hos ulike bedrifter. Vi har snakka med tre av dei.

image
image
image
Av: Kjetil Vasby Bruarøy

Tekst og foto: Tara Bøe, på arbeidsveke hos Midtsiden

Denne veka er alle dei nesten 60 elevane i niande trinn ved Nore Neset ungdomsskule ute i arbeidslivet.

Underteikna er i Midtsiden-redaksjonen, der eg både har vore på reine fotooppdrag og ute i felten for å intervjua medelevar om oppgåvene dei får og kva inntrykk dei har fått av yrket dei får bli betre kjent med denne veka.

Dina på Peppes

Dina Midthun valte å søkja plass hos Peppes Pizza på kaien i Os sentrum. Ho angrar ikkje.

– Grunnen til at eg valte Peppes var at broren min jobbar her, og eg ville sjå korleis det er å jobbe med mat.

– Eg har tatt oppvasken, bretta serviettar rundt bestikket, fått rømmedressing i glas, kutta grønsaker, og eg har kutta pizza.

Dina seier ho godt kunne tenkt seg å jobba vidare på Peppes.

– Å jobba ettermiddag og kveld passar bra. Eg synest òg det er kjekt å servera. Yrket verkar ikkje så vanskeleg og til no har det vore veldig gøy å vera her.

Hanne på biblioteket

På Os folkebibliotek i Holtbrekka møtte eg Hanne Moore. Bibliotekaryrket har ikkje overbevist ho noko særleg.

– Eg ryddar for det meste i bøkene, men eg har òg tatt imot litt innlevering.

– Eg valte å jobba på biblioteket i arbeidsveka, fordi eg liker å lesa, og eg tenkte at det var avslappande å vera her. Men eg trur ikkje eg ville ha jobba her, det blir litt rolege dagar.

Charlotte hos Borg Vêr

Charlotte Torreon Oksnes fekk jobb hos herre- og damemotebutikken Borg Vêr i Os sentrum. Ho liker butikkyrket svært godt. 

– Eg brettar og legg på plass klede, og eg ryddar, men eg får òg hjelpa kundane og stå i kassen, fortel Charlotte.

– Eg liker orden og eg liker mote og det å stå i butikk, derfor valte eg å søkja her først. Dette er eit yrke eg kune tenkt meg seinare òg. Det er gøy og eg føler at eg får det til.

Vi prata også med Jeanett Borgen Kallekleiv, Charlotte sin arbeidsgjevar og eigaren av Borg Vêr.

– Kva oppgåver får eleven?

– Rydding og vasking, for det meste. Det kjem an på eleven som er her, kva oppgåver vedkomande får, men Charlotte har òg fått opplæring i kassen og nettbutikken.

På Borg Vêr er det to ungdomar og éin vaksen som jobbar, utanom Jeanett.

– Eg syns det er viktig at dei som jobbar her tar initiativ, at dei er sosial og positiv, og helst at det å yta service og å selja kjem naturleg for dei.

Fleire saker

bilde-midtsiden

Sanner vitjar gründerparken

29. mai 2017

Kommunal- og moderniseringsminister Jan Tore Sanner (H) kjem tysdag til Os for å møta og læra av gode gründerar.

bilde-midtsiden

Populær kulturvandring

29. mai 2017

Publikum fekk både kulturelt og historisk påfyll då festspillene vitja Os med «Nordvegen».

bilde-midtsiden

Rekordrask opptur

28. mai 2017

Det blei nye rekordar både i dame- og herreklassen i Linken Opptur søndag. Éin deltakar tok like greitt åtte (!) fjell på ein dag.

bilde-midtsiden

Vil selja Ole B

28. mai 2017

Familien Søviknes vil selja både drifta og eigedomen på Buena i Lysefjorden.